Miliaria accuratius descripta / a Jacobo Henry.

  • Henry, James, 1798-1876.
Date:
[1832]
Catalogue details

Licence: Public Domain Mark

Credit: Miliaria accuratius descripta / a Jacobo Henry. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    1/10
    MILIARIA ACCURATIUS DESCRIPTA. 1. Multum ct diverse disseruerunt medici de morbo Miliario ; ad hunc tamen usque diem nulla ejus adumbratio simul plena et fidelis publici juris est; nempe quod auctores plus operae dederint certando num morbus esset essentialis suique generis Miliaria, quam, (labori minus ambitioso, hominibus tamen magis profu- turo,) symptomata ejus causasquc indagando, et veram historiam enarrando. Lacunam pro virili explere, omnique fere contro- versia missa, plenam et fidelem ipsius morbi imaginem de- pingere, in animo est. 2. Morbus dicitur Miliarius similitudine ducta a Milio herba, quia a seminibus Milii non multum abludunt vesiculae a Miliaria in cute genitae. Ut luculenter comparcat similitudo necesse est auferatur tegmen semini a corolla datum. Ablato tegmine enitescit similitudo inter semen nudum Milii minimum, subal- bidum, pene sphericum, et vesiculam tenuem Miliariae tres vel quatuor dies natam, et, rubedine basis jam evanida, speciem albidam prae se ferentem. 3. Tam acute quam chronice grassatur Miliaria. Acutae febris major est, symptomata graviora, exitus, praesertim morbo epidemice saeviente, haud raro lethalis. Chronica, fere semper boni ominis, adeo mitis est nonnunquam, ut vix et ne vix quidem febricitet aeger, qui consuetis muneribus vacat nullo vexatus incommodo, nisi debilitate identidem ingravescente, serieque eruptionum modo non perpetua.