In effigiem magnifici ac celeberrimi viri, Dn. D. Davidis Herlicii, medici, astronomi, historici, oratoris atq[ue] poëtae incomparabilis. Epigramma. Herlicii effigies haec est venerabilis; immò / Haec, inquam, est facies nunc veneranda senis, / Nomen ei magnum Pallas dedit; inde poëta, / Astronomus, medicus, rhetor, & historicus! / Illius in scriptis coeli vis aurea certat; / Hinc multos alios vincit honore sophos! / Judicium clarant Musae, Charites, & Apollo / Miraturque suos, docta Minerva, libros. / Rarum est miraculum mundi, rarumque manebit; / Ingenio, genio, carmine, mente, stylo. / Hadrianus à Mynsicht S. Caes. Palatij Comes, med. V doctor P. L. & diversor. S. Rom. Imp. Principum cons. & archiat.
