De succo enterico : dissertatio inauguralis physiologica quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Robertus Zander.

  • Zander, Robertus.
Date:
1850
Catalogue details

Licence: Public Domain Mark

Credit: De succo enterico : dissertatio inauguralis physiologica quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Robertus Zander. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    4/34 (page 4)
    imago processus concoctionis magis perspicua redderetur. Oua de causa et quod disquisitionibus antehac institutis minime idoneis scientia hujus secreti manca apparuit et im- perfecta, consilio et auctoritate prof. illustr. Bidderi adductus sum, ut succum entericum mihi eligerem , quem diligentius disquirerem et explorarem. In hac commentatione mea ex experimentis, quae plu- rima in animalibus institui, deductos eventus atque senten- tias proposui: qua in re, omissa glandularum intestinalium descriptione, rationem potissimum physiologicam secutus sum, hoc enisus, ut officium, quod succus entericus in tractu intestinali expleret, quam maxime cognitum haberem. Ad haec experimenta animalia carnivora adhibui, ex iisque maxime feles delegi, non solum quod hae plurimae mihi praesto erant, sed etiam quod magni mea intererat, ut in hoc genere animalium ex largiore demum usu certas leges statuerem de modo ac ratione, qua experimenta, quae initio rebus adversis saepius turbabantur, quam opportunis- sime et proposito convenientissime instituerentur. Nec non in nonnullis etiam canibus posthac eadem experimenta facta sunt quae in felibus. Non possum denique, quin hoc loco gratias maximas tribuam praeceptori veneratissimo prof. cl. Biddero, qui in disquisitionibus meis consilio ac re liberaliter et assidue me adjuvit; neque minus etiam debeo Dri. cl. Schmidtio, quem mihi in rebus chemicis auxilium praestitisse grato et sincero animo fateor.