An diversae variorum entium organicorum facultates ab organismi differentia pendeant? : theses quam, Deo favente, in saluberrimâ Facultate medicâ Parisiensi, praesentibus judicibus, publicis competitorum disputationibus subjiciet et dilucidare conabitur, die 21 mensis Maii 1827 / Ad. Brongniart.

  • Brongniart, Adolphe, 1801-1876.
Date:
1827
Catalogue details

Licence: Public Domain Mark

Credit: An diversae variorum entium organicorum facultates ab organismi differentia pendeant? : theses quam, Deo favente, in saluberrimâ Facultate medicâ Parisiensi, praesentibus judicibus, publicis competitorum disputationibus subjiciet et dilucidare conabitur, die 21 mensis Maii 1827 / Ad. Brongniart. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    15/40 (page 15)
    Mutationes ergo structurae et compositionis sanguinis inter causas quae vitae animalium maximas modificationes afferunt, adnumerandae sunt. Probabile etiam videtur in multis morbis sanguinem modifi- cari, sed ejus modificationes physiologorum investigationes huc usque effugisse. 46. Naturam sanguinis in nutritione organorum maxime in- fluere observatione omnium fere morborum , sed praecipue morborum a diathesi generali pendentium , probatur. Convenientia naturae, seu physicae, seu chemicae, sanguinis cum structura organorum, confirmatur transfusione [hujusce liquoris, periculosa vel etiam lethali si sanguis dissimilis trans- funditur , innocente vero si sanguis consimilis. 47. Calor proprius animalium certe vi respirationis respon- det quae ipsa pendet a copia sanguinis in organo respirationis transeuntis, a natura sanguinis, ab extensione membranarum ad quarum superficiem respiratio efficitur, denique a copia aeris sanguinem tangentis. 48. In avibus cujus sanguis totus pulmones transit et etiam in aliis partibus contactui aeris exponitur, respiratio intensior est et calor proprius maximus. In mammiferis sanguis totus aeque pulmonibus affertur, sed in nullis aliis partibus corporis vi aeris submittitur nisi paululum ad superficiem cutis in homine, et forsan in quibusdam aliis animalibus cute nuda et tenui praeditis : respiratio et calor pro- prius debiliores suut. In reptilibus pars solummodo sanguinis pulmones transit quorum superficies etiam minor fit, respiratio multo debilior est et calor vix temperiem medii ambientis superat. In piscibus , molluscis et crustaceis sanguis, ut in avibus et mammiferis, organo respirationis transmittitur, sed contactui aeris rarissimi in aqua soluti solummodo exponitur, unde respi-