De pulmonis structura specimen inaugurale : consensu scholae medicae Argentoratensis pro gradu medicinae doctoris die IV. intercalari proponit / Franc. Dan. Reisseissen [sic].

  • Reisseisen, Franz Daniel, 1773-1828.
Date:
1803
Catalogue details

Licence: Public Domain Mark

Credit: De pulmonis structura specimen inaugurale : consensu scholae medicae Argentoratensis pro gradu medicinae doctoris die IV. intercalari proponit / Franc. Dan. Reisseissen [sic]. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    17/48 (page 13)
    Jam ex hac descriptione perspicuum fit, apparatum hunc, non ex muscularibus fibris contextum esse. Hae fibrae albae, nitentes diu post mortem elaterem servant, dummodo a pu- tredine nondum resolutae sint j huic vero longius quam muscu- lorum textus renituntur. Bronchiorum igitur decurtatio non musculari vi, sed solo textus elatere, ut infra dicendum erit, perficitur. Intimam denique sedem tenet membrana tenuis, mollis, lu- brica , sensilis (nervea Halleri) ab illa quae ori faucibusque circum- jicitur, continuata, quaeque ad mucosum membranarum systema, a recentioribus refertur. Ea in laryngem , tracheamque recipitur, laevis et extensa, ad tracheae bifurcationem vero in plicas reflec- titur quae lacertos fibrosos comprehendunt, eosdemque validiores reddunt. Explicita denuo per ulteriores bronchiorum divisiones progreditur, et quamvis in teneris ramulis omnes tunicae in unam confusae videantur, tamen ne in ultimis surculis quidem abest, quia, nequaquam in his obliniens humor, qui ex illa membrana exsudat, deficere posset et ab ea sola aeris exitus prohibetur: sed vesiculas non unice ab illa efformatas esse, ut Malpighio y) vide- batur, jam ex harum irritabilitate et contractilitate concludi potest. Quaeritur an epithelio vestiatur haec membrana? Ab oris interno velamento id deglubitur, et sane in broncho non minus necessa- rium ob aeris contactum videri posset, sed oculis hoc subjicere nullo adhuc vel sollertissimo contigit dissectori, quam ob rem etiam Bichat z) de eo dubitavit mucumque parietibus asperse arterias insidentem ei substitui suspicatus est. Certe Haller a) illud cum mucosa membrana confundit, laminas vero quas in quibusdam morbis aegri screatu rejiciunt, quasque pro argumento y) De pulm. Epist. I. p. io5. 2) Anat. generale, a.e partie. p. 783. «) Elem. Phys. IU. p. 148. v