De natura et causis gastromalaciae : dissertatio inauguralis medica critica ... / auctor Carolus Herzer.

  • Herzer, Carl.
Date:
1848
Catalogue details

Licence: Public Domain Mark

Credit: De natura et causis gastromalaciae : dissertatio inauguralis medica critica ... / auctor Carolus Herzer. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    6/32 (page 6)
    re posse statui. Nullum est enim hujus doctrinae quasi punctum, quod non diversissima ratione sit explicatum, de nulla ejus parte omnes omnino consentiunt, ne de mu- tationibus quidem anatomicis, quibus alias quidem in flu- ctuante et ambigua pathologiae disciplina maxima omnino fides inesse videtur. At laudatum supra Elsaesseri scriptum iterum demonstravit, quatenus exacta nuper et observandi et inquirendi methodus valeat exterminare hypotheses in mancarum cognitionum fundo luxuriantes, earumque loco integram factorum confirmatorum serere explicationem. Atque haec quidem res me commovit, ut coactus antiquo illo more ad summos in medicina honores capes- sendos de re medica aliquid in medium producere, ex vasta harum rerum copia ipsam hanc gastromalaciae do- ctrinam monographia tractandam eligerem. Jam quum mihi non fuerit multa occasio, id quod maxime doleo, ad explanandam et illustrandam de ea re controversiam neutiquam satis diremptam, accuratas in- stituere disquisitiones et experimenta: opusculo ex fon- tibus solis fere litterariis et iis, ut notum, satis turbidis hausto multum pretii inesse non potest. Peto igitur, si benignus fortasse homo libellum dignum sit habiturus, quem manibus suis capiat et paullulum inspiciat, ne ex- spectet magna quaedam et nova quidem inventa; nihil enim reperiat, nisi succinctam earum rerum expositionem et dijudicationem, quae hucusque de gastromalacia a prae- stantissimis scriptoribus litteris mandatae sunt. Jam vero nihil aliud mihi reliquum est, quam ut lectoris benevo- lentiam et patientiam iterum atque iterum mihi exoptans ad ipsum accedam propositum.