De vi et effectu aquae frigidae in corpus hominis vivum : dissertatio inauguralis medica ... / auctor Frid. Guilelmus Leinveber.

  • Leinveber, Friedrich Wilhelm.
Date:
1843
Catalogue details

Licence: Public Domain Mark

Credit: De vi et effectu aquae frigidae in corpus hominis vivum : dissertatio inauguralis medica ... / auctor Frid. Guilelmus Leinveber. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    18/32 (page 18)
    quum nimia incitatio temperetur, fluidus cliymus servetur, viae omnes aperiantur. Haec quidem do aquae frigidae vi et effectu in uni- ' ' f versum; sed subsistere in iis nequaquam licet, quum ad praecipua et praestantissime ejusdem emolumenta ratio quoque earn adhibendi et tempore quidem commodo per- tineat. Quod usum spectat, adbibetur vulgo aqua aut extrinsecus, aut intrinsecus; effectus tamen ex utroque modo adhibendi proficiscentes sunt ejusmodi, ut certis cancellis circumscribi non possint, nam multis momentis in unum confluunt. Si enim consideras corporis totius integumentum, invenies, cutem externam corpus huma- num non solum extrinsecus circumdare, sed etiam ad interiora, quousque patent, sese insinuare ac materno quodammodo sinu recondere, nervos ipsos cutis et vasa i 1 • peripherica in maximo esse cum partibus internis com- mercio. Discrimen, quod hic intercedit, id est, ut aqua frigida extrinsecus adhibita per latiorem diffundatur su- perficiem et frigus immediate innumerabiles nervorum fines, vasorumque ramificationes diffusas afficiens, vali- 7 dius ac celerius refrigeret, ideoque graviores provocet effectus, quam id interno aquae usu fieri assolet, ubi, priusquam aqua in internum pervenit, aliquantulum de i frigore amittit et jam non ut gelida, sed moderata agit.