Disputatio inauguralis, quaedam argumenta pro vita sanguinis complectens / [Robert Ferguson].

  • Ferguson, Robert, 1799-1865.
Date:
1823
Catalogue details

Licence: Public Domain Mark

Credit: Disputatio inauguralis, quaedam argumenta pro vita sanguinis complectens / [Robert Ferguson]. Source: Wellcome Collection.

    22/24 (page 18)
    etiam majorem similitudinem habent. Non solum vires subito franguntur, sed etiam copia fellis, in utroque exemplo, plurimum adaugetur, estque quasi livida flavedo summae cutis per to¬ tum corpus. Sub hac quoque, non secus ac post morsum viperae, valida affectio ventriculi est, cum vomitu vehemente, vitaque convulsionibus dis¬ tentionibusque finitur. Praeterea, post mortem ex utroque matura putredo accedit, sanguisque persimilem aspectum habet: pericardium pariter humore distenditur. Conatus sum igitur sic ostendere sanguinem, non modo solidis partibus affici, verum etiam in¬ vicem eas afficere ; quod si verum est, sequitur ut sanguis vita fruatur. Praeterea, parum consenta¬ neum videtur cognitis legibus vivi corporis, putare tantam copiam mortuae materiae, uti sanguis judi¬ catur, partibus vivis commisceri. Neque quidem ullus certus et definitus terminus adhuc affixus est inter humores partesque solidas. Singulis horis, quinimo singulis punctulis temporis, per universam hominis aetatem, assidua tacitaque mutatio efficitur. Humores in partes solidas, haeque invicem in humores, convertuntur. Quid igitur ultimum discrimen existit ? Nonne in con-