Pharmacopoea austriaca.

Date:
1906
Catalogue details

Licence: In copyright

Credit: Pharmacopoea austriaca. Source: Wellcome Collection.

    86/522 (page 54)
    Solvitur limpide in aequali pondere spiritus vini. Partes 3 Balsami partem 1 carbonei sulfurati absorbent quin turbentur, verum 8 aliis partibus eius additis resina e fusco nigra praecipitatur. Liquor inde effusus limpidus fusco-flavus nullo modo fluorescat. Solutio Balsami in benzino exhalatione spontanea residuum oleaceum subflavum praebet, quod leniter cale- factum neque Terebinthinam, neque Styracem, neque balsamum Copaivae redoleat. Conquassando cum aqua volumen Balsami ne diminuatur. Pars 1 Balsami solvatur limpide in partibus 5 solutionis chlorali hydrati (60 = 100). ; Quodsi miscellam e grammis 5 Balsami, aquae et natrii hydrooxydati soluti aa centimetris cubicis 10 et aetheris centimetris cubicis 100 per nonnulla minuta fortiter conquassaveris, centimetra cubica 50 solutionis limpidae aethereae in balneo aquae ad pondus constans evaporata minime decigrammata 14 residui praebeant, cuius numerus saponificationis sit 236. Aqua destillatum Balsamum Peruvianum ne praebeat oleum aethereum. Balsamum Styrax liquidus. Liquidamhar orientalis Miller, arbor Asiae minoris. Balsamum, e cortice arboris coctione cum aqua et expressione paratum sistit massam semiiiquidam, tena- cem, glutinosam, in aqua demergentem et cum pauxillo aquae permixtam turbidam, coloris e griseo fusces- centis, odoris peculiaris fragrantis, saporis aromatici, subamaricantis.