De medicorum juribus atque officiis tractatus : Pars prima: sistens disquisitionem historicam de medicorum apud diversas gentes statu atque conditione / auctore Guilielmo Wagner.

  • Wagner, Wilhelm, active 1819.
Date:
1819
Catalogue details

Licence: Public Domain Mark

Credit: De medicorum juribus atque officiis tractatus : Pars prima: sistens disquisitionem historicam de medicorum apud diversas gentes statu atque conditione / auctore Guilielmo Wagner. Source: Wellcome Collection.

    21/24 (page 19)
    curia vectigalium, praefecti saltuarii, geometrae etc,, speciminibus editis de¬ monstratum dare debent, rerum quarundam se imbutos esse notitia, quae disciplinae accurate descriptae formula non comprehendi possunt; illa vero notitia, quomodo in usum convertenda ipsisque in munere suo exsequendo agendum sit, eius rei illis dantur praecepta, quibus diligenter et cum cura observandis eorum nititur laus, qui rebus civilibus operantur. Diligentia assi¬ duitasque sufficiunt ad efficiendum, ut iuvenis mediocris ingenii, bene si modo instituitur, eo perveniat, ut, gnavus si sit vir atque honestus, muneris officia ipsi iniuncta exsequatur. Id quidem cadit in eos, qui in rebus politicis et in eis versantur, quae ad rei publicae admiriistrationem, vectigalia etc. spectant. Longe diversa vero medicorum ratio est. Qui enim fieri posset, ut formula quaedam componatur constituaturque, quam in aegrotis curandis medicus sernper sequatur! Longe, pro dolor! ars medica ab illa abest perfectione, qua sola eiusmodi formula niteretur. Percurramus singulos morbos, et, nisi auctor auctorem transscripserit, vix, credo, inveniemus duos, qui in prae¬ scriptis ab ipsis propositis prorsus, inter se concinant. Tentaverunt quidem publicam constituere legem formulamque, quam in dysenteria e. g., in morbo a morsu canis rabiosi curando medici sequerentur, atque librorum de arte obstetricia agentium atque obstetricum usui destinatorum copia abundamus; quantopere vero haec omnia inter se discrepant! Legamus modo ea, quae de emeticis atque catharticis medicamentis morbis adhibendis scripta sunt, coinponamusque, si fieri potest, ea, quibus omnes auctores inter se consen¬ tiunt! Ne quidem formulam de emeticorum usu constituere poterimus. Haud unus typis exprimitur liber obstetricum usui destinatus, cuius auctor non de eiusmodi commentarii queratur necessitate. Fingamus vero, fieri posse, ut, quemadmodum in codicibus illis, Code Napoleon et Code des procedures in¬ scriptis, iuris peritis leges et formulae, cjuas sequantur, propositae sunt, ita quoque leges et formulae constituantur, quibus medici teneantur, tamen illae vix actionis instituendae praeberent ansam, tum quia fieri nequit, ut medicus medicum aegrotos curantem eius observandi causa ubivis comitetur, tum quia morborum ratio tam multiplex est atque diversa, ut medicus formulam consti¬ tutam nunquam fere prorsus sequi possit. Aetas, sexus, corporis habitus, vivendi ratio, coelum, et quibus praeterea morborum proprietates in singulis aegrotis continentur, omnia haec ei plus minus necessitatem iniungunt, accom¬ modatissimam sernper singulis aegrotis comminiscendi curationem. Omnes disciplinae et artes, quarum principia et termini non ex legislatoris alicuius arbitrio, neque 'ex necessariis cogitandi legibus pendent, quaeque igitur neque G 2