Disquisitio physiologica de differentia et nexu inter nervos vitae animalis et vitae organicae / [Isaac van Deen].

  • Deen, Isaac van, 1805-1869.
Date:
1834
Catalogue details

Licence: Public Domain Mark

Credit: Disquisitio physiologica de differentia et nexu inter nervos vitae animalis et vitae organicae / [Isaac van Deen]. Source: Wellcome Collection.

    26/210 (page 8)
    cipimus, quae nos certiores reddit et de stimuli, et de motus indole. Vix autem opus est, ut moneamus, ipsa organa sensuum^ quamquam organa motus in propinquo habeant, vi motrice tamen carere. Cutis v: gr : quamquam moyeatur musculis, iisque numerosis, quin immo musculis cutaneis, nullum tamen animalem motum exserere valet. Paries quae sentiunt, mo- tum non provocant. Eodem modo res se habet in organis gustus, olfactus, visus atque auditus. * Quae in lingua gustat, quae in naso olfacit, quae in oculo videt, quaeque in aure audit, ea pars allatam solummodo impressionem recipit et ad cen- trum propagat, quo in loco accepta impressio percipitur; sed ipsae illae partes sibimet hancce impressionem suggerere non valent, quin immo, non nisi aliarum virium interventu cum rebus externis communicant, et impressiones arcessunt: neque si- bimet ipsis neque aliis partibus motum conciliare possunt. Requiritur igitur, ut a vi quadam mo- veantur , quod fieri potest (praeter motum orga- nicum , qui in iis obtinet) , per instrumenta mo- toria i. e. per Musculos, qui singula organa, et qui totum corpus movent; et hac ratione organa sensus cum rebus externis communicant. Injuria autem quis dicat, impressiones rerum externarum absque voluntate nostra, absque mo- tu animali, ad perceptionem nostram pervenire. Nam quisquis sit locus, in quo versemur in hoc orbe terrarum, animali saltem motu huc delati su- mus. Utrum hicce motus a nobismet ipsis, an ab aliis institutus sit, id jam missum facimus: nam,