De helminthiasi : dissertatio inauguralis medica ... / publice defendet auctor Hermannus Behr ; opponentibus H. Kirchner, O. Eckert, A. Reinking.

  • Hermann Behr
Date:
[1843]
Catalogue details

Licence: Public Domain Mark

Credit: De helminthiasi : dissertatio inauguralis medica ... / publice defendet auctor Hermannus Behr ; opponentibus H. Kirchner, O. Eckert, A. Reinking. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    29/32 (page 29)
    nutntionem, quod origini illorum inprimis faveant. Quod spectat ad prognosin, pessima videtur in Strongjlo gigante, qui tam vehementibus motibus, quam consumtiooe renum et medullaris et corticalis substantiae vitam in periculum adducere potest; mi- nus mala prognosis est in taenia et bothriocephalo, qui potius incommodi ac molesti quam periculosi existunt, et quamquam corpori ob magnitudinem co- piam haud exiguam chyli subtrahunt, raro tamen insignem debilitatem ac maciem procreant. In asca- ride lumbricoide praesagium multum variat; creber- rime nullae fiunt turbationes, ilio verme ex infanti- bus maxime florentibus saepe abeunte. Verum quum interdum suum relinquat domicilium et aliqua de causa ignota in organa sedi ipsius non convenientia migret, status vitae perniciosos proferre valet. Ne- que infausta est prognosis in ascaride vermiculari, quae saepenumero valde copiosa praesentiam suam modo excrementis prodit atque etiam, si turbationes paulio ante consignatas ciet, facilibus simplicibusque remediis profligari potest. Malum est praesagium in disfomate hepatico, cujus praesentia haud raro indicium insanabilis degenerationis hepatis est. Plane autem videtur innocuus frequens trichocephalus, quum adhuc nullas ejus in corpore praesentis no- tas habeamus; de vermibus autem raris nihil om- nino constat, quia modo in singulis vel paucis casi- bus et-tum post obitum demum observati sunt.