Commentationes quaedam de cerebri haemorrhagia : quibus ad praelectiones suas de morbis nervorum / invitat Mauritius Henricus Romberg.

  • Romberg, Moritz Heinrich, 1795-1873.
Date:
1830
Catalogue details

Licence: Public Domain Mark

Credit: Commentationes quaedam de cerebri haemorrhagia : quibus ad praelectiones suas de morbis nervorum / invitat Mauritius Henricus Romberg. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    7/20 (page 5)
    difficilis cognitu, at interdum et auditum et odoratum et gustum alterutrius lateris si- mul deperire exempla docent. Quin aliquando etiam fauces hoc modo resolvuntur, ipseque nuper hominem vidi dextri lateris paralysi affectum qui non nisi sinistra oris parte potionem cibumque assumere potuit, in alteram autem inditum statim reddidit suffocationis periculo vexatus. Pectoris quoque musculos solvi, sic ut unum latus in- ter respirandum penitus immobile haereat, vir rei anatomicae peritissimus l) auctor est, id quod nec antiqui nec recentiores medici tradunt neque nobis ipsis licet curio- sius intentis videre contigit. At potissimum vero alterutrum brachium atque pedem resolutione affici inter omnes constat, plerumque uno eodemque temporis momento, rarius utique altero alterum praevertente. Interdum tamen accidit ut utriusque lateris partes morbo occupentur, de qua resolutionis specie illustranda laudatus ille professor Parisiensis optime meritus est 2). Quae paralysis vel uno impetu fit ac tum paraplegiae nomine recte appellatur vel successione quadam magis minusve celeri, tanquam duplicis hemiplegiae facta con- junctione. Singulorum denique membrorum sideratio aut per se incidit aut alterius la- teris resolutioni adjungitur, cujus rei exempla, quae pauca ab aliis medicis et inpri- mis a Cei. Serres 3) traduntur, brachii paralysin frequentiorera ceteris esse docent Resolutionem non solum loco sed modo quoque differre supra jam dictum est; corporis enim partes aut motu privantur, quod crebrius evenit, aut motu simuT ac sensu, neque id quidem eadem semper ratione, quandoquidem in aliis non nisi stupore opprimuntur, in aliis autem movendi sentiendique facultate privantur, quod ipse externus artuum habitus non obscure indicat, cum in cubantibus plerumque in- tus inclinati situm suum iniquum pertinaciter servent, in erectis ut inanimatum quod- dam et inutile a corpore dependeant, musculis relaxatis iisque torosa sua plenitudine orbatis. Secundum resolutionem id signum, quod a mentis facultate ducitur, plurimum habet momenti. Differt enim morbi species prout aegroti aut sui compotes sunt aut mentis usu destituuntur. Illi statim a primo morbi impetu terrore perculsi paulo post ad se redire solent: hi contra sopore premuntur aut gravi altoque aut levi atque semisomno, eoque sive intermisso sive continuo, e quo vel sponte evigilantes vel de- *) Serres, nouvelle division des apoplexies. (Annuaire medico -cliirurgical des hopitaux et hospi- ces civils de Paris). Paris 1819 p. 216 — 364. 2) Serres 1. c. 3) Recherches sur les maladies organiques du cervelet. (Magendie Journal de physiologie experi- mentale et pathologique. T. III. 1823, p. 114 —153).