Introductio in commentationem de digitalis purpureae viribus usuque medico / [Peter Willers Jessen].

  • Jessen, Peter Willers, 1793-1875.
Date:
1820
Catalogue details

Licence: Public Domain Mark

Credit: Introductio in commentationem de digitalis purpureae viribus usuque medico / [Peter Willers Jessen]. Source: Wellcome Collection.

    12/72 (page 12)
    ditiones efficaciae medicaminum doceantur; ratio eius incognita vi pecu¬ liari significetur; porro, quatenus vires eae elemento chemico certo annexae sint, ab eoque pendeant, exponatur; denique visa omnia cum phaenomenis per totam naturam conspectis comparentur, earumque virium et a generali¬ bus naturae viribus diversitatem et cum iis intercedentem similitudinem ostendere studeatur. Theoriam talem, in hodierno scientiae statu probali- lem, proponere est sane labor utilis et bene merens, sed eiusmodi theoria, rationem, qua medicamenta agunt, conditionumque aliquid eo facientium enumerationem complectens, a theoriis consueiudirie traditis et usu generali receptis tantopere differret, ut hae ne nomen quidem theoriae sibi vindicare possint. JNam illa observationem multifariam, studium diligentissimum, cogitationem subtilissimam desideraret, hae contra observatione vel maxime manca, studio levissimo originem inveniunt et in lucem prodeunt, neque fere cogitatione ulla antecedente indigent. Qui theoriam probabilem pro¬ ponere velit, eum non solum singuli visorum ordinis, sed omnium phae¬ nomenorum per totam naturam conspectorum solidam notitiam historicam sibi aut parasse, aut certe parare studuisse quum oporteat: minus etiam theoria sufficiens visorum in rebus singulis inventorum effici potest, non antecedente notitia historica generis, ordinis aut classis visorum, de quibus sermo est, accurata, solida, perfecta, rem totam amplectens. v * Primum igitur^tque ante omnia cognitio effectus remediorum nostrorum historica quam perfectissima et altissima nobis paranda est; tum primum, postquam, quid efficiant, cognoverimus, quomodo ea efficiant interrogare licet. Ab initio igitur in mutationibus motibusque, sensu percipiendis, qui ab aliquo remedio in organismo efficiantur, nobis subsistendum: quae res in libris exstantibus ne prorsus quidem negligitur, sed modo tali tractatur, ut ea tractatione parum profectum sit. JNempe effectus omnes, quot eorum animadversi et usquam descripti sunt, in rudem quendam acervum coniiciun- ur , effectus perpetui, constantes, raro intermissi ab effectibus casu, tan¬ tum aliquoties et perraro accidentibus partim non distinguuntur et separan¬ tur, partim non satis idonee; porro effectuum morbi genere, hominum habitu, rebusque aliis immutatioparum attenditur; qui effectus di versi tempore eodem,