De cinnamomo disputatio, qua Hortum Medicum Bonnensem feliciter instructum, rite inauguraturi res eius viris, rei herbariae studiosis / commendant C.G. Nees ab Esenbeck ... et Th. Fr. Ludov. Nees ab Esenbeck.

  • Nees von Esenbeck, C. G. (Christian Gottfried), 1776-1858.
Date:
1823
Catalogue details

Licence: Public Domain Mark

Credit: De cinnamomo disputatio, qua Hortum Medicum Bonnensem feliciter instructum, rite inauguraturi res eius viris, rei herbariae studiosis / commendant C.G. Nees ab Esenbeck ... et Th. Fr. Ludov. Nees ab Esenbeck. Source: Wellcome Collection.

    94/114 (page 72)
    ritur, quam ob rem ad calculum, hic positum, pro singulo anno adhuc 2119 fasces addendae sunt. Sumina itaque cinnamomi omnis, quod nostris tempo- ribus ab Anglis in Zeylonia quotannis colligitur, ad numerum sane ingentem 4557 fascium, seu 4°1 >172 librarum anglicarum , increscit. Mense Maio, quo tempore imbres cedunt et arbores succo abundant, Cinnamomi messis inchoat et in Octobrem usque continuatur. Nominantur Directores et Inspectores ; distribuuntur inter operarios (Schialicts) labores: parti minori abscissio ramorum, alteri decorticatio demandatur. Tunc illi eligunt atque abscindunt ramulos, quorum cortex facile a ligno solvitur. Triennes, qui nec dimidia uncia tenuiores sunt, neque uncias tres diametro superant, optimi habentur. Cultro utuntur in hoc opere apice incurvo,' quem Ketta Zeylonenses nominant. Deinde ramuli isti traduntur decorticatoribus, qui ope cultri alius, KoJcetta dicti, factis incisuristum transversalibus, tum longitudinalibus, vel singulis, vel binis, vel ternis, prout ramulus minori aut maiori sit crassitie, solvunt detrahuntque corticem. Fragmenta corticis pro di- versa ramulorum conditione variae sunt longitudinis. Minora tunc maioribus ingeruntur, ita ut pars exterior frustuli interioris partem interiorem frustuli exterioris tangat. In fasciculos arcte colligatus cortex per 24 horas intactus servatur. Levis exoritur fermentatio, qua fit, ut epidermis cum subiacente parenchymate succoso postea facilius auferatur. Simul etiam oleum aethereum, non nisi in libro corticis contentum, per omnem corticem magis diffunditur. Hoc tempore elapso, corticis segmenta singula, ligno idoneo impo- sita, radendo ab epidermide et parte corticali exteriore purgantur. Cortex subarescendo contrahitur in formam tubulorum, qui denique, modo, supra indicato, in fasciculos 4° circiter uncias longos collecti et per unius diei spatium ex umbra demum ad solem perlati, penitus exarescunt. E corticis, bene siccati, minoribus fasciculis maiores, 5o librarum Angi, pondere, conficiun- tur fasciculi, aedibus publicis, in Colombo et Galle oppidis in hunc finem exstru- ctis , tradendi, ubi Cinnamomum, ita paratum , examini , omni cum cura at- que rigore instituto, subiicitur. Fasciculis solutis, tubuli omnes singuli inspi- ciuntur et seliguntur. Cinnamomum in duo genera, videlicet in Cinnamomum