De polypis oesophagi atque de tumore ejus generis primo prospere exstirpato : commentationem / scripsit Albrecht Theodorus Middeldorpf.

  • Middeldorpf, Albrecht Theodor, 1824-1868.
Date:
1857
Catalogue details

Licence: Public Domain Mark

Credit: De polypis oesophagi atque de tumore ejus generis primo prospere exstirpato : commentationem / scripsit Albrecht Theodorus Middeldorpf. Source: Wellcome Collection.

    20/36 page 14
    Exorta exinde haemorrhagia remediis haemostaticis, quin etiam compres- sione uti, non dubitaremus (ef. librum nostrum de methodo galvanocaust. p. 234). Inter illa refero aquam glacialem et epithemata glaciei, quietem cum situ aegroti edito, quam paucissimos glutiendi motus, alumen, liquorem Pagliari, alia. Spongiolam acido tannico conspersam demittere possemus, si aut haemorrhagiae locus conjectura inveniri potest, aut statuentes, frequen- tissimum insertionis locum esse in altitudine laryngis. Tanninum Buhringi, quod nunc a plerisque laudatur, ego quoque in multis aliis casibus cum fausto eventu adhibui. Compressio facile sola spongiola sicca nec turgida demissorii oeso- phagei (Schlundstosser von Schwamm) fieri potest. Si spongiola infra hae- morrhagiae locum esset, ita ut sanguis pharyngem supra illam impleret, retracta spongiola sanguis tanquam pistillo antliae extolleretm*; sin vero haemorrhagia infra spongiolam esset, aegrotus haud dubie, quum oesophagus minoribus caloris frigorisve gradibus vix afficiatm-, haemorrhagiam in eo non sentiret, sed sanguinem devoraret, et postremo impleto stomacho eveniret (haematemesis) vomitus sanguinis, scilicet non purpurei, sed liquore gastrico in nigrum fere mutati. Situ spongiolae sensim sensimque mutato facile ali- quis (si infirmitas et irritabilitas aegroti id concedunt) haemorrhagiae fontem detegere possit. Sed plerumque, si ad radicem polypus resectus est, loco, quem saepius designavimus, haemorrhagiae originem invenire poteris. Num specillum oesophageum crassius per nasum immissum neque amplius extractum sufficiat ad haemorrhagiam sistendam experiendum est. Vix tam diu in eo situ permanere possit, ut simul ad nutriendum aegrotum adhiberi queat, qui sibi maxime consuluerit, si per unum diem nihil, per plures tantummodo lac frigidum comederit. Multo certius efficiatur compressio ratione, quam medicifrancogallici „tamponnade vocant, h. e. obturamento (Tampon>e gummi cautschuc facto, longo, elastico, cylindrico, oesophagi formam aequante, quod hebetis conductoris auxilio postea retrahendi vacuum immittitur, deinde vero aere vel aqua glaciali extenditur. {Arnott, a treatise on stricture of the urethra, 1817, in usum oesophagi, recti et urethrae culeum longum atque elasticum, nec humoribus neque aeri permeabilem, commendavit qui- dem, sed in eum, de quo hic agitur, usum non adhibuit.) Extensio
    digitised image 1
    digitised image 2
    digitised image 3