De delirio tremente : dissertatio inauguralis medica ... / auctor Hugo Rob. Schirmer.

  • Schirmer, Hugo Robert.
Date:
1838
Catalogue details

Licence: Public Domain Mark

Credit: De delirio tremente : dissertatio inauguralis medica ... / auctor Hugo Rob. Schirmer. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    24/36
    horst, Goden) ne sedem quidem morbi primariam in cerebro locant. Quarum opinionum diversarum alteram quum iam refutaverim, restat, ut de altera tantum pauca proferam. Gb- den plexum solarem nervosque vitae organicae proxime cum illo connexos morbo sedem praebere docet, causamque morbi proximam ponit in disharmonia provinciarum huius systematis nervosi, tum inter sese, tum quod ad coniunctioncm cum ce- rebro, ita quidem, ut infinito elementari vitae sensiferae polo moderantem basicum polum in sphaera gangliorum subigente, haec sano in statu inferior systematis nervosi provincia cere- brum superet. Quae vero theoria tam est spinosa simulque obscura et ab experientia tam abhorret, ut auctor ipse ad illam sustentandam hypotheses valde miras inauditasque ex- cogitare coactus fuerit. Symptomata morbi pathognomonica, singulares mentis sensuumque alienationes nos cogunt, ut sedem morbi in or- gano collocemus, ex quo omnis animi actio prodit, igitur in cerebro. Causam morbi ponimus in specifica per causam spe- cificam, abusum enim spirituosorum diuturnum, oborta cerebri irritatione; cuius in natura et essentia explicanda iisdem scili- cet cancellis circumscribimur, quibus generatim in mentis no- strae actionibus, et sanis et morbosis, investigandis arcemur. Morbum igitur mere nervosum putamus; quare etiam, quae in cadaveribus reperimus, de morbi natura nos non certiores faciunt: anatomia pathologica in morbis nervosis, quippe qui frequentissime causis materialibus careant, saepe nos deserit. Systematis vasorum affectionem in delirio tremente idiopathico secundariam ducimus. Causa praedisponens una tantum existit, abusus enim spirituosorum continuatus et praecipue spiritus destillati ac spir. sacchari. Vinum et cerevisia morbum vix creare viden- tur, certe eorum in cerebrum vis infesta multo est mitior. Nunquam hominem sobrium post crapulam inconsuetam in morbum incidisse compcri; sed diuturna atque continuata con-