Elizabethan Oxford : reprints of rare tracts / edited by Charles Plummer.

Date:
1887
Catalogue details

Licence: Public Domain Mark

Credit: Elizabethan Oxford : reprints of rare tracts / edited by Charles Plummer. Source: Wellcome Collection.

    62/356 (page 26)
    Vis veri- tatis. Polemon Athenien- sis. Valer. Max. li. 7. insomnia potius, quam a ratione aliqua profecta iudicia, tanquam ad scopulum aliquod adhaerebitis? Expergiscimini aliquando, mentisque vestrae cogitationes ad veri contempla- tionem excitate. Intuemini vestrorum collegiorum funda- menta, constitutiones, disciplinam: num aliud sonant, aliud sapiunt, aliud loquuntur, quam pietatem priscam, mores anti- quos, Romanam fidem ? Ponite ante oculos, quoscunque antecedentia illa quindecim prope saecula cum honore & laude viuos perinde ac mortuos celebrarunt; omnes Apostolicae fidei, Petrique cathedrae addictos reperietis. Considerate cum animis vestris, quanta sit catholicae veritatis potestas, quae tot saeculis, tanta tyrannorum potentia, tanta insurgentium haeresum insolentia neque opprimi vnquam, neque supprimi potuit: immo ita semper caput extulit, vt eminuerit; ita vegeta ac viuida, Christo confirmante, permansit, vt innu- merabiles, eosque omnium locorum ac temporum praestantis- simos viros, suos amatores, defensores, adstipulatores assiduos acerrimosque inuenerit: neque soliim antiquos istos, quos ves- trarum Academiarum flores & robora percurrimus, sed pos- teriores, & huius saeculi infinitos quamplurimos etiam adoles- centulos, qui huius veritatis zelo pleni, patriis commoditatibus vestrisque relictis Academiis, in illa perquirenda alienas terras sunt peregrinati; inuentam autem sic amplexati sunt, sic secuti; vt, dum ei obsequendo Christo ac Petro seruiant, nulla incommoda periculaque defugiant; dum, eam profitendo patriae prosint suorumque animulis, neque mortem metuant, neque vitae suae curam habere videantur. Hanc igitur veri- tatis lucem tam efficacem, tam illustrem, vos, in rebus aliis tam Lynceos, non videre, non ausim certe dicere: videre autem, & in eadem tamen ignoratione tenebrisque versari, incertum miserandum dicam magis, an erubescendum esse. Legistis interdum Polemonem Atheniensem, omnibus delitiis deditum adolescentem, cum e conuiuio rediens domum, vnguen- tis oblitus, sertis redemitus, vino onustus, Xenocratis forte domum intrauisset, eumque de modestia tunc temperantiaque disserentem audiuisset, adeo illius oratione fuisse commotum,