Nonnulla de penitiore renum structura et physiologica et pathologica : dissertatio inauguralis medica ... / auctor Fridericus Steudener ; adversariorum partes susceperunt J. Hafa, A. Jahn.

  • Steudener, F. (Friedrich), 1839-1880.
Date:
[1864]
Catalogue details

Licence: Public Domain Mark

Credit: Nonnulla de penitiore renum structura et physiologica et pathologica : dissertatio inauguralis medica ... / auctor Fridericus Steudener ; adversariorum partes susceperunt J. Hafa, A. Jahn. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    24/48 (page 20)
    stantiae corticalis penetrabat. Hanc repugnantiam inter- pretari nequeo; sed existimo Kollmann hac in re nimis injectionibus suis confisum canalium uriniferorum isola- tione minus animum attendisse. Chrzonszczewsky retia tubulorum rectorum in substantia corticali adumbrat, modo ea angustiora esse quam quae Henle descripserit. Equidem neque hoc ne- que coecas tubulorum rectorum et contortorum termina- tiones quidquam animadvertere potui. Num forte haec retia referta sanguinis vel lymphae vasa, quae etiam sine extravasalo, quod demonstrari possit, implentur, ut sic in illum errorem incurrat, de quo Kolliker Henle in re- fellenda ejus sententia reprehendit? Jam vero ut breviter complectamus quae adhuc ex- plicavimus, exordium a papilla facientes, hunce canalium uriniferorum decursum nanciscimur. In papilla rectus tu- bulus utpote ductus papillaris satis magno diametro ini- tium capit, continuata acutis angulis divisione coangusta- tus recta directione per pyramidem decurrit et in pro- cessum pyramidalem corticis introit. Hic subtiliores ra- mulos laterales effundit, qui in peculiari substantia corti- cali in nodosos transitus canales (,,Uebergangs- kanale“) commutantur. Hi accuminati in pyramidem re- deunt et laqueum ad papillam convexum efficiunt; quo facto ad corticem redeunt et in tubulos granulatos corti- cales transeunt, qui post multiplices glomerationes in di- latationibus vesiciformibus glomerulos Malpighianos reci- pientibus finiuntur.