Icones organi auditus humani / [Samuel Thomas von Soemmerring].

  • Soemmerring, Samuel Thomas von, 1755-1830.
Date:
1806
Catalogue details

Licence: Public Domain Mark

Credit: Icones organi auditus humani / [Samuel Thomas von Soemmerring]. Source: Wellcome Collection.

    9/66
    cultatibus non amplius retenti, melius successit labor. Iii quo omni magni Albini praecepta sequuti in id maxime incubui* mus, ut partes, quae in vita sunt, iunctas exhiberemus, siccum nihil, nihil corrugatum, distractum, dislocatum, disruptum aut ullo modo deturpatum exprimeremus , tandemque, ut eam e multis eligeremus formam, quae praecipua, maxime absoluta, normaeque consona videretur. Nihil itaque in his tabulis est, quod innata magnitudine mi* nus prodeat j multa ad certam mensuram occurrunt auctiora. Porro sinistrum auditus organon nullibi non adhibui, neque icones modo a dextro, modo a sinistro repetii latere. Idque ideo factum est, partim, ut in proponendis rebus certus quidam esset ordo, partim, ut lectorum in conferendis figuris opera iuvaretur. Quamquam icones ad fragmenta effictae, (studia dici solent) cuius census pleraeque Hallerianae sunt, minime mihi displiceant, tamen physiologiae magistro, qui vel mediocri theatro anatomico praeest, ab iis abstinendum esse putaverim in opere, quod nitide demonstrandis partium formis, iisque veris et normalibus inserviat. Ouicunque enim rebus anatomicis capiendis haud impar plane est, multo facilius et verius Albini tabulis eruditur, in quibus nec funebres exuviae, nec tetrae partium mutilationes, nec ornamentorum variae ineptiae, aut ista vitrorum, filamentorum, acuum que e. s. p. ministeria occurrunt. Neque profecto, qui in operibus totam anatomen complectentibus, istis magis vel suam vel aliorum operam iuvari putat, vero scientiae sensu imbutus videtur. Cum v. c. partes bulbi oculi molles, quas per vitam sphaericas esse constat, in spiritu vini a filo suspensae, ovatam formam in- duant, patet, ovatam harum partium imaginem minime veram et naturae congruam esse. At vero multum interest, non corruptam aliquam et spuriam, sed vivam veramque imaginem cognoscere. a