Dissertatio inauguralis medica de debilitate erethistica ... / publicae disquisitioni submittit Ignatius Schwarzenberg.

  • Schwarzenberg, Ignatius.
Date:
1837
Catalogue details

Licence: Public Domain Mark

Credit: Dissertatio inauguralis medica de debilitate erethistica ... / publicae disquisitioni submittit Ignatius Schwarzenberg. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/37
    Sed in his solis debilitatis indicia non persi- stunt. Status morbosi progenies , ultra assimilatio- nis primae provinciam proserpunt , alibi similes, non meliores generando proles. Vasa ergo, glandu- laeque totius tractus intestinalis, in eandem abrepta debilitatem, stimulis, etsi non magnis, vehementer tunc agitantur, facile et ubertim humores suos plo- rant , indole horum passim in manifeste acidam dege- nerata. Talis est liquor acris saepe et acidus, pn ore hypochondriacorum, hystericarumve scaturiens, oxy- dationis apertae signa perhibens 5 tale est serum acre, quod colicam et tenesmum in diarrhoea serosa, qua individua erethistica saepe laborant, provocat. Non alia in iisdem muci, bilis, aliorum humorum natura esse suevit, ut quorum mixtionem a norma alienam sapor odorque non solum, dum evacuantur, acris saepe et ingratus, sed et irritatio, quam parti- bus inferunt, prodit. Chylus, quem debilia intestina a chymo separant, humoribus illis mixtus ac depra- vatus porro male agit, novamque debilitatem parat. Mucosum enim , aut acidum acremve , quem viae chyliferae, chymiferas vigore non superantes, susci- piunt, chylum, aut clausis repellunt irritatae, ut vi- detur , ostiis 5 aut quem reapse recipiunt, elaborare ad amussim, indoleque perversa privare non valent, quin imo inutilibus ad haec moliminibus vi activa, propellente spoliatae, in languorem incidunt, humore crudo opplentur, infarciuntur. His sub reproductionis initiis, atque hac constitu- tione certe non tanta cordis, pulmonumque vis fieri et exsurgere potest, ut laticem, alibi non sufficienter praeparatum sola perfecte ‘elaborare queat 5 utpote, quae ex chylo pejoris notae nunquam sanguinem me- lioris gignit, talem nempe , ex quo partibus solidis