De succo enterico : dissertatio inauguralis physiologica quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Robertus Zander.

  • Zander, Robertus.
Date:
1850
Catalogue details

Licence: Public Domain Mark

Credit: De succo enterico : dissertatio inauguralis physiologica quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Robertus Zander. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    9/34 (page 9)
    Recentiore tempore glandulae brunnianae in duodeno cum succo eorum a Middeldorpfio 8) exploratae sunt. Hic experi- mentis tentavit mucum duodenalem atque membranam mucosam duodenalem aqua perfusam et pistillo contritam, in quibus fluidis succum brunn. inesse putabat. Gravissima ex suis disquisitionibus haec evenisse docet: succus brunn. acidus est ■?— multum con- tinet albuminis — si cum albumine et carne per 24 horas dige- ritur, in illis praeter macerationem nullas efficit mutationes —* amylum, cum succo brunn. commixtum et 24 horas sepositum, sub calore partim in saccharum uvarum mutatur; praeterea in eo liquore etiam acidum butyricum et acidum laeticum formata sunt. At omnibus tamen ab hoc auctore de illa re expositis nulla sub- est vis probandi, si quis methodum disquisitionis spectaverit; sic enim v. c. quum membranam mucosam duodenalem aqua eluisset, albumen in succo brunn. inesse statuit; mucum duodenalem, in quo succum entericum solum inesse putabat, ad experimenta con- coctionis adhibuit, tametsi alia secreta, quae in intestinum se effundunt, non retinuerat. Experimenta novissima Frerichs9) de concoctione superiore anno instituit. Teste eodem glandulae utriformes, quae totum tractum intestinalem a pyloro ad anum usque occupant, propria sunt organa, quibus succus entericus secernitur. Ut secretum earum integrum sibi acquireret, Frerichs in felibus canibusque, qui per longius tempus pastu caruerant, singulas intestini partes 4 — 8 pollicum, ex quibus contenta, si quae forte reliqua erant, caute stringendo removerat, subligavit ac deinde, repositis, quae protractae erant, partibus, cavum abdominis suturis clausit. Post 4—6 horas animalia necata sunt. Hoc modo ei contigit, ut copias satis magnas succi enterici omnino puri reciperet. Natura ejus succi in diversis partibus intestini tenuis et intestini crassi plane eadem erat; copia secreti succi enterici in intestino crasso multo erat 8) Middeldorpf, De glandulis brunnianis. Diss. inaug. Vratis- laviae 1846. 9) „Verdauung“ von Prof. Frerichs in Wagner’s Handworterbuch der Physiologie, 21ste Lief. Braunschweig 1849. S. 850.