De succo enterico : dissertatio inauguralis physiologica quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Robertus Zander.

  • Zander, Robertus.
Date:
1850
Catalogue details

Licence: Public Domain Mark

Credit: De succo enterico : dissertatio inauguralis physiologica quam consensu et auctoritate gratiosi medicorum ordinis in Universitate Literarum Caesarea Dorpatensi ad gradum doctoris medicinae rite adipiscendum loco consueto publice defendet / auctor Robertus Zander. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    30/34 (page 32)
    minis posteriorem. Contenta in intestino tenui modo parca inerant, membrana ejus mucosa succo enterico mucosa obtecta speciem ubique normalem praebebat, neque usquam sane vestigia aderant irritationis inflammatoriae. 2. Expeinmenta in succo enterico 3 non exclusis bile et succo pancreatico. Cani majori venatico ponderis 14,41 kilogramm. ratione supra descripta fistula intestini tenuis instituta est, ductibus glan- dularum excretoriis, qui in tractum intestinalem abeunt, non sub- ligatis. Quinto die post operationem vulnus abdominis paene omnino consanuerat; fistula intestini tenuis, foras ducens, satis justa elapso filo metallico jamjam suborta erat, dum adhaesio inter parietem et illam intestini partem multum simul firmitatis ceperat. Qua de causa tractum intestinalem ope specilli elastici explora- turis jam illo die nobis contigit, ut per fistulam in intestinum tenue animalis deorsum et sinistrorsum ad altitudinem fere trium pollicum specillum immitteretur; quod in aliam regionem fieri non poterat. Diebus insequentibus, quibus suppuratio cessabat, ope cannulae per fistulam inductae pluries'fere minimum 400—300 grammata humoris intestinalis alcalici, quem bilis viridem tinxerat, excipi poterant. In quo humore, quum canis, ut assolet, 20—24 horis ante pane et jusculo olerino pastus fuisset, ciborum reliquo- rum non solubilium modo aliquantulum, at plurimum epithelii et muci admixtum erat. Ceterum valetudo corporis, ciborum ap- petentia, digestio animalis non erant turbatae. Hic humor intestinalis deinde eo modo ad experimenta ad- hibitus est, ut albumen et caro, linteo tenui ut supra insuta atque in caliculo vitreo humore perfusa, calori fornacali, qui animalis adaequabat calorem, exponerentur. Circumacto certo tempore albuminates has obtulerunt mutationes: