De monstrorum duplicium origine atque evolutione commentatio.

  • Alton, Eduard d', 1803-1854.
Date:
1848
Catalogue details

Licence: Public Domain Mark

Credit: De monstrorum duplicium origine atque evolutione commentatio. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    5/52 (page 3)
    DE ORIGINE MONSTRORUM DUPLICIUM EX DUOBUS GERMINIBUS. Primum in commentatione nostra argumentis et observationibus probare in animum induximus monstra duplicia ex germinibus duobus in evolutione plus minusve coniunctis sive coalitis originem ducere. Qui vero hoc demonstrandum sibi proposuit, experientiae ope debet docere 1) primum: esse ova, quae germina duo (plerumque) in uno vitello includant: 2) tum: horum ovorum germina evolutione progrediente mutari in duos embryones; 3) denique: duos embryones eiusdem vitelli serius ocius in hac illave parte concrescere, ita ut latior aut angustior coalitus eorum fiat. Solvendae igitur nobis sunt quaestiones tres. Quod ad quaestionem primam et secundam spectat, sane paucae admodum observationes ex historia evolutionis inveniuntur ad haec solvenda accommodatae, sed paucitas haec satis superque multitudine compensatur monstrorum du- plicium. 1) Mirandum est saepissime ova gallinacea duobus vitellis instructa inventa esse, sed solum Fabricium ab Aquapendente *) de ovo cum duplici cicatricula scripsisse. Is enim in tractatu de formatione ovi et pulli: „Eam (cicatriculam), ait, in magno vitello duplicem aliquando ob- servavimus, alteram alteri satis propinquam et alteram altera minorem.44 *) Opera omnia anatomica et physiologica. Lipsiae 1687. FoL pag. 13. 1*