De monstrorum duplicium origine atque evolutione commentatio.

  • Alton, Eduard d', 1803-1854.
Date:
1848
Catalogue details

Licence: Public Domain Mark

Credit: De monstrorum duplicium origine atque evolutione commentatio. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/52 (page 8)
    foetus, necessitate cogente, in evolutione esse coalituros, neque ullo modo posse probari ex foetibus connatorum speciem prae se ferentibus eosdem ex germinibus ante separatis fuisse natos. — Quoad priorem dubitatio- nem experientia ex historia evolutionis desumpta ducti pro certo affirmare nobis videmur embryones ex uno vitello natos sub incubatione semper ad coalitum cogi, proptereaque ex una saltem parte semper cohaerere; quoad alteram dubitationem iieri quidem nequit ut probemus foetus con- iunctos antea fuisse germina seiuncta, attamen facile demonstrabimus in fabrica monstrorum duplicium nihil esse, quod coalitus theoriae repu- gnet neque possit ex ea derivari atque adversariorum argumenta contra coalitum non magis valere, quam nostra pro illo. Primum afferemus argumenta, quibus docemur germinum duplicium unius ovi coalitum evolutionis ipsius efFectum necessarium esse, et huius rei caussa nobis erit recurrendum ad notissimas mutationes sub incipiente incubatione ovorum obvias. Nam non est cur dubitemus embryonum ge- mellorum in vitello simplici alterutrum eodem modo non oriri, se for- mare atque evolvere ac embryones in genere, qui singuli secundum perpetuas naturae leges formantur. Itaque erunt animadvertenda omnia signa omnesque mutationes in embryonibus duplicibus, quae in evo- lutione embryonum ad normam procedente observantur, tam diu, quam- diu segregati sunt etsi ex eodem vitello progeniti. Lectores huius doctrinae gnari facile intelligent causas, quae nos movent, ut mox inprimis aves respiciamus. Hoc fit propterea quod in ovis gallinaceis mutationum continua series a primis incubationis horis usque ad exclusionem pulli saepius et accuratius, quam in aliis vertebratis observata est ideoque tempora, quibus singulae mutationes solent evenire, satis certe indicari possunt. Exstat in vertebratorum omnium ovis pars quaedam vitelli, ex qua prima embryonis stamina prodeunt, diversa quidem in diversis animalibus, diversa quidem in ovis foecundatis ab eadem parte ovorum, quae nondum