De spasmo : dissertatio inauguralis medica ... / auctor Henricus Tietzen.

  • Tietzen, Heinrich.
Date:
1847
Catalogue details

Licence: Public Domain Mark

Credit: De spasmo : dissertatio inauguralis medica ... / auctor Henricus Tietzen. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    13/32 (page 13)
    stat, musculorum innervationem per intervalla fieri; et- enim si intermissiones oculis nostris observamus, dicimus spasmum clonicum, sin autem impulsus nervorum adeo celeriter sequuntur, ut nostram perceptionem fugiant, fingitur hyperkinesis permanens, seu tonica. Facile ap- paret, discrimen tantum quantitativum esse. Sententiam nostram esse veram, ex eo etiam concludere licet, quod non raro spasmi clonici, si augentur, tonicum, tonici, si vehementia decrescunt, clonicum typum assumunt. Spasmus est anomala actio vitalis, propterea quod neque alicui corporis functioni naturali convenit, contra casus vitae periculosissimos provocare potest, neque hoc modo excitatus motus ab hominis voluntate pendet. Jam si ad symptomata spasmi specialia transeamus, tria primaria invenimus, nempe comminutum^ volumen, pallorem et justo minorem calorem. Volumen commi- nuitur, quod musculorum particulae magis inter se ap- propinquantur. Pallor procedit ex eo, quod et pressione vasa sanguifera musculi vacuefiunt et vasa omnino vicina per irradiationem spasmo corripiuntur, quare affluxus sanguinis impeditur. Frigus emanat ex laeso assimila- tionis processu, nam quo minor is est, eo magis etiam caloris gradus subsidit. Spasmo praeterito queritur aegro- tus de lassitudine, de virium confectione, quippe musculi nimis intendebantur. Inter ipsum morbi iriipetum dolor et alii sensus alieni aut in ipsis musculis aut partibus corporis propinquis oriri solent. Id praeterea notatu dignum videtur, quod contractiones spasticae eorum organorum, quae nervus sympathicus administrat, ut 7