Oratio Harveiana in aedibus Collegii Regalis Medicorum habita, die Junii XXIX, MDCCCL / [James Arthur Wilson].

  • Wilson, James Arthur, 1795-1882.
Date:
1850
Catalogue details

Licence: Public Domain Mark

Credit: Oratio Harveiana in aedibus Collegii Regalis Medicorum habita, die Junii XXIX, MDCCCL / [James Arthur Wilson]. Source: Wellcome Collection.

    12/36 (page 10)
    scientia, apud nos, heec sunt in loco divitiarum,—benefactores e nostrum numero prae cseteris illi, qui virtute, ingenio, doctrina, industria, sibi et huic societati suae gratiam conciliant, existimationem comparant! Omnibus igitur, qui fundos, aedificia, supellectilem, qui aliquam argenti vim ad nostrum usum aliquando contulerunt,—vel qui, verae medicinae scientiam excolentes, in hac nostra vitae ratione, quotidiana, assidua, labo¬ riosissima, humanitatem animi, et mores suos integros servare student,— omnibus, qui honeste pauperes vivere optant, potius quam homceopathicis, hydropathicis, mesmericis, etiam ad normam empirice exquisitis artibus divitias parere,—omnibus his bene moratis sociis nostris, quamvis spe humili, et opibus praecisis, gratias hodie ut benefactoribus, Harveio ipso indicente, pro debito et solenniter agamus. Bene fecerunt, qui bene vixerunt. Ne vereamini, Praeses et Socii, ne pro consuetudine hujusce rostri, Linacrum, Caium, Hamseum (et quot, longo ordine, alios !) patientiae vestrae oppositurus sim. De tot et tam diversis viris, quomodo, ut quisque mereatur, et sine invidia, loqui possum ? Eximii omnes pro hac vice salvete, et valete ! Cum tanta sit vestrum fama, quis dubitet quin, etiam me tacente, in biennium fuerit superstes? Quamvis non nominatim et singulatim in vota nostra more solito invocati—attamen, et nunc et semper, benefactores omnes, quicunque fueritis, adeste nobis, ad omne memoratu dignum grato animo intentis, et ad veram scientiam per ex¬ perientiae vias enixe simul incedentibus. Quam frequenti et quam liberali manu in domus hujusce usum et honorem de anno in annum a suis effusum est, e parietibus hisce ipsis patet, qui, nostris propriis sumptibus extructi, gratias, ut videtur, agere gestiunt. En coram vobis, oculis sublatis, Baillisei munificentia per totam interiorem domum reposita!—in re anatomica, opera quam multa et varia!—manu ipsius, se ipso teste, et patris mei (haud temere loquor), il¬ lum pro amicitia subinde adjuvantis, elaborata. Quanto dispendio argenti et laboris exquisita, et adhuc conservanda! Sed, quod ad munificentiam attinet, quid moror in hoc vel in illo, inter sociorum nomina? Per longam annorum seriem, nemo fuit e nostrum numero qui non censum gravem in se suscepit, quo res publica nostra non majus acciperet damnum. Ut