De medullae spinalis avium textura : dissertatio inauguralis ... / auctor Adolphus Metzler.

  • Metzler, Adolphus.
Date:
1855
Catalogue details

Licence: Public Domain Mark

Credit: De medullae spinalis avium textura : dissertatio inauguralis ... / auctor Adolphus Metzler. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    28/66 (page 28)
    dolemque elasticam ostcndunt. Idem, acido sulphurico infuso, cognoscitur, cujus vi quum tela post longius temporis spa- tium omnino evanescat, fibrae nerveae tanto luculentius sub adspectum cadunt. Si autem filum terminale per horas 24 acido acetico maceraveris, et ipsum turgescit striaeque fu- sciores magis minusve e conspectu abeunt. Funiculorum la- teralium fibrae nerveae tum evidentius apparent; at in ipso filo terminali nulla aut fibra nervea aut cellula nervea ad- est. Equidem, quum etiam in fila terminalia ab hominibus bubusque desumpta inquisiVissem, nusquam ullum aut cellu- larum aut fibrarum nervearum vestigium deprehendi. ■ Filum terminale acido chromico induratum, quum ob insignem, qua excellit, tenuitatem (namque finis ejus aeque est tenuis ac filum laneum) neque inter digitos teneri ne- que secari possit, solum per se ad investigationem vocari nequit. Qua causa permotus filum lerminale substantiae, quae gutta percha dicitur, in coUodio solutae indumento obduxi, quod, quum induruisset, adminiculo erat satis firmo. In segmentis transversis filum terminale nihil aliud ob- tulit, nisi substantiae cinereae discum, pia matre circum- datum, quas duas telas iis in locis, in quibus fissurae sunt, alteram continuo in alteram transire plane animadverti. Ce- terum pia mater telam densiorem solidioremque ac magis fibratam ofl^ert. Cellulae vel fibrae nerveae reperiri non possunt, neque substantiae gelatinosae ullum adest vestigium. Compluries in substantiae cinereae margine puncta coloris fusci catervatim posita observavi, quae eandem praebuere speciem ac fibrarum nervearum segmenta transversa. Quae species tamen quum acido sulphurico afl^uso pressuque exhi- bito evanesceret, jam eam tantummodo ex majore telae pli- catura exortam fuisse apparifit. Qua de re filum terminale nihil est aliud, nisi substantiae cinereae continuatio, pia ma- tre circumdata, ergo tela conjunctiva cum tela elastica com- mixta. In medio disco canaliculus centralis, cellulis suis epi- thelialibus instructus, situm obtinet.