De contractura et ancylosi articulationis genu et coxae iisdemque B. Langenbeckii methodo violenta extensione sanandis : dissertatio inauguralis medico-chirurgica ... / auctore Philippus Frank ; opponentibus R. Nath, H. Ohm, E. Tietz.

  • Frank, Philipp, 1830-
Date:
[1853]
Catalogue details

Licence: Public Domain Mark

Credit: De contractura et ancylosi articulationis genu et coxae iisdemque B. Langenbeckii methodo violenta extensione sanandis : dissertatio inauguralis medico-chirurgica ... / auctore Philippus Frank ; opponentibus R. Nath, H. Ohm, E. Tietz. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    40/50 (page 42)
    exstitit. Die 20. Jamiar. contractura ad angulum grad. 125 redierat, adhibita tamen machina extensio ad pristinum gradum reduci potuit. Die demum 27 tam dolores quam anaesthesia n. sapheni evanuerant. Die 3. M. Februar. membri positio recta inter narcosin multo sub fragore perficiebatur. Patella plane mobilis fuit. Vespere pulsus centies micuit, cephalalgia, dolores fixi in facie anteriore epiphyseos tibiae, anaesthesia n. sapheni redux adfuerunt. Die demum 4 M. Mart. dolores epiphyseos tibiae ita remiserant, ut extremitas per machinam perfecte extensa sustentari posset. Diligenti exercitatione contigit, ut post mensem et dimidium motus passivos per machinam ad angulum usque rectum sine ullo dolore ad- ministrare liceret. Motus activi ad angulum rectum dimidium perfici poterant. Aeger machina munitus absque bacilli auxilio facile atque celeriter, paulo tardius machina seposita bacu- loque adhibito ambulavit. Sinistra extremitas aliquanto brevior majorique macie conspicua erat, quam dextra. Articulationis genu forma normae exacte respondit, anaesthesia n. sa- pheni cessit. IV. Contractura yenu per quadriennium protracta; caries epiphyseos femoris. Chr. Rottstock a. 1848 articulationis genu inflammatione corripiebatur, dolores acerbissimi ad tertiam partem inferiorem femoris usque dimanabant; elapsis hebdomadibus sex, incisione proxime supra internum femoris condylum facta, multum puris evacuabatur; genu decurrente inflammatione flexum erat in angulum rectum. Puris profluvium ex inci- sura per annum perstitit, saepius ossis particulae necroticae puri fuerunt admixtae. Fistula clausa mox recludebatur. Die 10. M. Junii a. 1852 aeger in clinicum receptus est. Dextrum genu angulo recto flexum erat, extensio ulterior magna flexorum tensione impediebatur; flexio et activa et passiva cum crepitu perfici poterat. Tibia pone femoris condylos in- flatos et pressione dolentes subluxata, patella in condylum externum luxata, mobilis erat. Proxime supra internum femoris condylum ulcus exstitit fistulosum, per quod specillum os asperum tetigit. Crus dextrum poli. 3/t debito brevius erat. Genu violentis extensionibus in rectam positionem redacto, reactio apparuit exigua et machina bene sustinebatur; post menpem et dimidium fistula circa internum condylum erat sanata. Luxatio versus posteriora apparatu Bonneti extensorio fere prorsus auferebatur, passivus motus per Stromeyeri machi- nam facile et expedite perfici poterat; aeger ejus ope siue doloribus ambulabat et die 23. M. Septembris dimittebatur. Quum M. Februario a. 1853 nosocomium reviseret, sine machinae auxilio, doloris expers longa itinera facere et flexionem activam administrare poterat. Scalas etiam adscendere, genu flectens, valebat. V. W. Rieck, 20. annos natus, mens. Jul. 1851 acerrima genu sinistri inflam- matione est correptus. Per menses sex in lectulo detinebatur; jam initio morbi con- tractura rectangularis exorta est flexoque crure externo pedis margini per totum inflam-