The Harveian oration : delivered before the Royal College of Physicians, London, June 27th, 1846 / by John Elliotson ; with an English version and notes.

  • Elliotson, John, 1791-1868.
Date:
1846
Catalogue details

Licence: Public Domain Mark

Credit: The Harveian oration : delivered before the Royal College of Physicians, London, June 27th, 1846 / by John Elliotson ; with an English version and notes. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/78 (page 2)
    pretationem ita sanxit Collegium nostrum, ut eorundem modo nomina iis tabulis inseri voluerit, quae circii theatrum suspensae, omnes a quibus beneficia Collegio accepta fuerint enumerare profitentur. Quorum princeps est fundator ille noster, Linacrus, qui quum esset collegii omnium animarum apud Oxonienses socius Bononiam se recepit, ibique linguae Latinae studium sub Angelo Poliziano, qui erat tunc temporis inter ornatissimos ejus linguae professores, prosecutus est. Inde quum jam ipsum doctorem stili puritate superaret, Florentiam commigratus est, ibique sub Demetrio Chalcondyla Atheniensi Graecas lit eras didicit, quae tunc temporis Oxoniae, ubi hodie in tanto sunt honore, nullum in studiis habebant locum, nec sine acerrimai contentione in studiorum numerum admissae sunt, quum duae factiones—“Graeci etTrojani”—usque eoviolentiaeprocederent, ut verbera mutua baud raro ingererent. Idem, postquam ab Italia domum redisset, id primum curabat, ut Graecae linguae studium, rei apud Oxonienses tarn novae, perpetuum maneret. Itaque doctorem ejus linguae instituit, aliquot ante annis quam Cardinalis Wolseius Sellam Graecam eidem Academiae appli- cant : ubi, quum refrixissent animi eorum quibus mores parum emolliverant atque ab asperitate sevocarant artes in- genuae, discerentque vulgo Graece, contentio non minus vio- lenta exorta est, quum “ Graecorum” quidam id caverent, ne quid in pronuntiatione linguae vel in melius mutaretur : de- certantibus pro vetere consuetudine qui Romanae Ecclesiae erant, pro nova Lutheranis; in eoque res essent, ut Thomas Gardiner Episcopus, Regis et. summi concilii auctoritate ful- tus, si qui in sonis illis vitiosioribus perseverare nollent, alios verberibus afficeret, alios de gradu moveret, alios etiam expel- leret: potiusque affirmaret extrusum iri ab Universitate Grae- cam linguam, quam de sonitu literarum ac vocum quantum vis mutatum.—Tantum potuit Linacrus, quern cum altero medico Ruellio Erasmus ait, solos Europae medicos Graece scire. Dicunt quoque eum primum inter Anglos Galenum atque Aristotelem sine interpretationis ope perlegisse. Euerat pro- fecto Anglus quidam nomine Phreas, Collegii Balliolensis