De malis ex adipe nimio oriundis : dissertatio inauguralis medica ... / auctor Otto Frideric. Reichel.

  • Reichel, Otto Friedrich, 1799-
Date:
1824
Catalogue details

Licence: Public Domain Mark

Credit: De malis ex adipe nimio oriundis : dissertatio inauguralis medica ... / auctor Otto Frideric. Reichel. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    16/36
    Summa enim formositatis lex est, ut singulae cor- poris partes non acutis quidem lineis circumscrip- tae sint, tamen earum formae aliquatenus bene discerni queant. Quam vero conditionem omni- no fere desideramus in corpore, quod informem potius molem quam artificiosissime constructi hu- mani corporis refert imaginem. Porro facies, quae est hominis interni quasi speculum et princeps formositatis sedes, si adipe nimio obtegitur, for- mositas sane non augetur sed imminuitur. Nam omnes fere vultus mutationes gratiores eo ipso aut plane occultantur aut turpiter distorquentur; et ita multum detrahitur pulchritudini. Quid deni- que magis deformat corpus quam nimia adipis copia in singula parte deposita? Quid adspectu magis ridiculum turpiusque est, quam curtis tene- risque cruribus amplum demissumque abdomen iunctum? 1 § 6- Dixi' porro adipem cuti substratum eius tur- borem sustentare functionibusque prodesse; et eo- dem pacto immodica adipis accumulatio contra- rium efficere et nocere mihi, videtur. Duplex au- tem cutis functio est, sentiendi facultas et perspi- randi. Utraque, et praecipue sentiendi facultas, nimio adipe nimium augetur et in morbosam ver- titur sensibilitatem (Hyperaphiam nonnulli dicunt). Primum enim ob profusam adipis subcutanei ge- nerationem humores cutem versus turgent eam- que irritant; deinde cutis perspiratio, primaria eius functio, perpetuo agitata, uti est in obesis, itidem statum provocat irritationis; denique cutis ultra modum distenditur et extenuatur, quod fit vel ipsa adipis mole vel prostrata cutis reprodu- ctione (siquidem adeps totam fere materiae nu- trientis copiam sibi vindicat). Sed quaelibetcun- que harum obtineat conditio, sive cutis irritatio- nem justo majorem suscitet, sive, quae hanc exci-