Ludus Heliconius, sive carmina miscellanea / quae variis in locis cecinit Emanuel Swedberg (Swedenborg).

  • Swedenborg, Emanuel, 1688-1772
Date:
1841
Catalogue details

Licence: Public Domain Mark

Credit: Ludus Heliconius, sive carmina miscellanea / quae variis in locis cecinit Emanuel Swedberg (Swedenborg). Source: Wellcome Collection.

    41/52 (page 37)
    Nympha dolet plangitque sinum, clamasset et alte Paene, inque his quod non esset Apollo locis; Quid faciet, retrahit vultum, mandatur abire Musa, et confestim janua clausa fuit. Hinc vaga per terras fertur; jam tendit ad austrum Jam quoque ad ortivos solis euntis Equos; Nec procul hinc gentem vidit cognomine Moscam; Quae nova quaeque fuit non sibi visa prius* Cujus et in medio visa est nova turba Deorum, Mars novus ore tumens et nova Pallas erat; Atque novus gelidae surgens e Baltbidos undis Neptunus, Boreis concomitatus aquis; Quem circum Nereis duxit numerosa choreas. Et Nais quassavit terque quaterque pedes. Turbaque mista diis magnos imitata triumphos Est, quales quondam, Caesar Jule! Tuos. Sed quia nescivit novus an genuinus Apollo Esset in his populis, hinc Heliconis abit. Itque per ambages, sequiturque volumina Bheni, Quoque suas sinuat discolor Albis aquas; Error at est vanus, frustra est quaesitus Apollo; Quo quaerit magis, hinc ardet amore magis. Teutonicas et adit Nympha haec Erratica gentes; Casu et Brunswicam, noctu fluente venit; Mane toro surgit, mediam partemque fenestrae Vix aperit, geminos dum videt Illa Duces: Castor^) erat Polluxque^), sedet sublimis uterque Frater^) in auratis solis ad instar Equis'^); Celsaque Majorum vestigia pressit 2) uterque; Nomine et Ingenio clarus uterque fuit. Non procul a fraenis stat Vir Venerabilis * *) unus Sublimis micuit cujus ab ore vigor. Inque illo multum figit sua lumina Nymphe, Nescia quis sit, num forsan Apollo suus. *) Duces Brunswicenses. '^) Insigne ducum. *) Apollo poetae sive comes de Wellingb.