Ludus Heliconius, sive carmina miscellanea / quae variis in locis cecinit Emanuel Swedberg (Swedenborg).

  • Swedenborg, Emanuel, 1688-1772
Date:
1841
Catalogue details

Licence: Public Domain Mark

Credit: Ludus Heliconius, sive carmina miscellanea / quae variis in locis cecinit Emanuel Swedberg (Swedenborg). Source: Wellcome Collection.

    39/52 (page 35)
    Illa sui Phoebi violento exarsit amore; Magnus in ore suo nil nisi Phoebus erat. (Juid mihi, dicebat, juvat astris clarus Olympus Stelliferique ignes, cum meus ignis abest: ^uid se perpetuo renovans juvat illa juventa. Cum non Consortem non habeamque torum: Gaudia sint aliis, mihi sunt haec taedia vitae, Felix si possim, Daphnis ut ipsa, mori. Sed quid sollicitor? totus fere novit Olympus, Quod Deus hic multas deperiisset amans. Musa licet dicar, jubearque a Pallade, casta Et sine fine, eheu! virginitate frui, Usque tamen tentare licet, non durus Apollo Dicitur, est Musis deliciosus amor. Protinus astrifero se vult demittere Coelo, Quaesitura suum, quo sit in orbe, Deum. Seque levi tunica veloque recinxit, et ipsas Pectine nodavit disposuitque comas: Insuper et quendam desumsit ab Iride fucum. Quo tinxit niveas officiosa genas. Sideraque in tunicis dispersa hinc inde locavit; De Te qui fulges, multa. Trigone! tulit. De Te quae renites tot stellis, Yirgo! venustas Et bene fulgentes sumsit amicta faces, Quas circum limbos posuit; nam pulchra videri Et voluit, credo, quod quoque visa fuit. Sic ornata polo, nitido descendit Olympo Et gelidum velox tendit ad Arcton iter. Accelerat cursum gelidas ferturque per auras; In tunicis positas vibrat at aura faces. Tendit et ad Suionas; putat hic quod Apollo lateret. Frigida quodque suas conderet Ursa faces. Utque venit. Nympham*) spectat, quae Palladis instar Corpore sublimis, jam ore renixa stetit. Mente sua volvens vel se vel fata suorum; Moestus at indignans Ei quasi vultus erat. *) Sueciam, sub virginis nomine.