De sarcomate tumoribusque recidivis ... / auctor Julius Riemer.

  • Riemer, Julius.
Date:
[1860?]
Catalogue details

Licence: Public Domain Mark

Credit: De sarcomate tumoribusque recidivis ... / auctor Julius Riemer. Source: Wellcome Collection.

    8/32 (page 8)
    profluvium ut ait aeger, non magnum fuit. Tumor fere tres libras pondo valuit; praecipue ejusdem generis quam superiores colore magis sufflavo et subcaeruleo, stridens sub cultro. Valetudo bona, qualis fuerat, universe perma¬ nebat, appetitus et assimilatio erat impedita, obstructione alvi nihilo minus praesente. Therapia post operationem tum quoque principio constitit in glacie applicata, posterius in unguentis excitantibus, sed ad cicatricem plane perve¬ nit vulnus demum plus quatuor mensibus postea. IV. Attamen integra valetudo modo duodeviginti vel viginti quatuor menses duravit, ad annum MDCCCLII, quum ma¬ lum rursus vetere genere ut parvus nodus circumscriptus apparuit. Mox autem proxime ad hunc nodum complures alii ejusdem generis nascebantur, circumscripti; ii erant et loco moveri poterant fungini in altitudinem crescentes. Postquam ii per duos fere annos tarde longius adoleverant, aegrotus moleste ferens quod therapia irrita fuerat, opinio¬ nem habebat, mali sui causam esse internam et aegrota¬ tionem universam. Quod quidem etiam medici cujusdam sententia ei confirmabatur. Quam opinionem habens neque operationi amplius confidens ad homoeopathiam sese con¬ vertit, quae quidem promisit, eum internis remediis ex malo suo exsolutum iri, fore enim ut nova excrescentia delaberetur. Haec curatio quae ad tres annos durabat et in Acido silicio et Kalio sulphurato adhibendo constitisse mihi dictum est, ne prospere quidem tanquam promis¬ sum erat, evenit, tumor nequaquam decidit; ea tantum effectum esse, ut nodi tardius crescerent, aegrotus opina-