De voluntate medici medicamento insaniae hypothesis / Johann. Christ. Avg. Heinroth.

  • Heinroth, Johann Christian August, 1773-1843.
Date:
1817
Catalogue details

Licence: Public Domain Mark

Credit: De voluntate medici medicamento insaniae hypothesis / Johann. Christ. Avg. Heinroth. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    39/54 (page 35)
    4 §■ *9- B e natura i n s an i a e. Est in conscientia, quasi pars ejus aliqua, sancti aliquid, et tanquam animae ipsius vitale principium, idque ejus quasi compagem continens et actionem omnem ad unum finem, rectum puta, flectere gestiens; unde haec conscientiae pars recti conscientia dicitur: Genium Socrates aliique dixerunt. Atque hoc quidem animae principium quamdiu viget et actuosum est in homine, potest certe homo a veritate non aberrare, quoniam rectum et verum congruunt atque ineffabile illud significant, quod sancti et inviolabilis nomine insignimus. Legem moralem vulgo appellant. Igitur haec, non scripta, sed nata lex,,quia, divinae vocis ad instar, conscientiam, tanquam aurem, personat, loyog Graecis dicitur, Latinis ratio, quod, quaecunque homini ex hac lege aguntur, justam rationem expri- munt. Atque proprium est huic, sive conscientiae recti, sive sanctae voci, sive rationi, ut, quotiescunque homo ei se accommodet, se integrum vitae scelerisque purum, et inde liberum a culpa sentiat. Atque hacc ea vita est, ad quam homo nascitur, quamque colere unusquisque debet. Atque hujus quidem vitae in iis quos insanos dicimus ne vestigium quidem est, ita, ut, quamdiu in conditione insaniae versentur, destituti sint duce illa vitae verae humanae, utque divina illa lex, durante insania, obliterata fere atque exstincta videatur; proinde ut eorum anima parte sua nobilis- sima, et quasi propria vita careat. In qua abnormitate natura insaniae continetur. Itaque quam insaniae sive corpoream naturam, sive psychicam aliam, quam nos C 2