De hepate molluscorum : adjunctis observationibus nonnullis de ratione qua bilis in helice et astaco formari videatur : dissertatio inauguralis physiologica ... / publice defendet auctor Jacobus Frank ; opponentibus M. Benda, L. Cassel, L. Danziger.

  • Frank, Jacob, 1818-
Date:
[1844]
Catalogue details

Licence: Public Domain Mark

Credit: De hepate molluscorum : adjunctis observationibus nonnullis de ratione qua bilis in helice et astaco formari videatur : dissertatio inauguralis physiologica ... / publice defendet auctor Jacobus Frank ; opponentibus M. Benda, L. Cassel, L. Danziger. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    9/32
    A. DE HEPATIS STRUCTURA MOLLUSCORUM. In universum Molluscorum, quippe quae animalia praecipue abdominalibus insignia sint organis, hepar maxime est evo- lutum viscus. Jam in Apodibus socialibus secundum Carum (1) organon quoddam cernitur, varii vel incerti coloris, primo quidem adspectu hepati non plane simile, tamen analogia loci et coloris haud multum ab illo aliorum et majori quidem ordini adscriptorum Molluscorum viscere abhorrens. Semper intestini convolutionibus hepar in plures, saepius plane inter se separatos lobos dissectum est, qui ventriculo quidem aut intestino affixi, maximam tamen partem ab iis propriis mem- branis divisi permagnam abdominis partem explent. In illo Molluscorum genere, quod capite gaudet, hepar nunquam ventriculum omnibus partibus amplectitur, quin saepius remo- tum ab illo, quamquam cum eo conjunctum invenitur. Co- lore saepissime hepar praeditum est flavo vel fusco, formam praebet parenchymatosam, ita tamen, ut, si accuratius vi- deas, facile granula conspicias, quae ex ductibus excretoriis (1) Carus Zootomie.