Observationes anatomicae et chirurgicae quatuor : commentatio quam ad veniam docendi in Academia Fridericia Halensi cum Vitebergensi sociata rite impetrandam gratiosi medicorum ordinis consensu et auctoritate die XXVI. mensis Junii A.D. MDCCCLVII hora XI / publice defendet Richardus Volkmann ; assumpto ad respondendum socio Francisco Schweigger-Seidel.

  • Volkmann, Richard von, 1830-1889.
Date:
[1857]
Catalogue details

Licence: Public Domain Mark

Credit: Observationes anatomicae et chirurgicae quatuor : commentatio quam ad veniam docendi in Academia Fridericia Halensi cum Vitebergensi sociata rite impetrandam gratiosi medicorum ordinis consensu et auctoritate die XXVI. mensis Junii A.D. MDCCCLVII hora XI / publice defendet Richardus Volkmann ; assumpto ad respondendum socio Francisco Schweigger-Seidel. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    8/46 (page 4)
    m palmam se insinuaret et sensim emolliretur. Dolores nervosi, qui prius in apice indicis saevis- simi luerant, jam plane evanuere et in tumorem increscentem se recepere. Hic minus aegrotam cruciabant, et non tam continuis quam intermittentibus ictibus vexabant. — Invenimus puellam si habitum corporis et vultus colorem respicis egregie valentem, quae praeter malum sinistrae manus et favum capitis, quo laborabat, nullo unquam se laborasse morbo praedicat. Mammae parum evolutae, menses nondum conspicuae. Tumor subjecti fluidi mollitiem simulat, non pellucidus est, et ubi vel leviter comprimitur, maximeque in pollicis confiniis dolorem saevissimum efficit. Incipit a basi indicis et ad thenar usque porrigitur. Cutis superjecta coerulea, lucida, tensa. Vena in medio thenare conspicua est, lividi coloris, ramulos paene purpureos undi- que transmittens. —- Totum brachium sinistrum minus robustum est quam dextrum. Voluminis discrimen in medio humero tribus centimetris aequat, prope cubitum uni cum dimidio. Quod ad singulos musculos attinet, nullum vidimus, qui prae ceteris atrophia excelleret, verum omnes partes humeri et brachii pari macie affectae sunt. Longitudo brachiorum ab humero usque ad carpum eadem deprehenditur, quamvis et ossa manus sinistrae atrophiam manifestam exhibeant. Prae ceteris index brevitate excellit, quem vel digitus quintus ejusdem manus et magnitudine et robore superat, quique cum indice dextrae comparatus duobus centimetris brevior deprehenditur. Praeterea pollux brevissimus, nimirum decem fere millimetris brevior quam in sana manu; quae mutatio maxime in secundum articulum cadit. In tertio quidem digito minus enormis atrophia est, etiamsi satis conspicua. Quartus et quintus digitus, si magnitudinem quaeris, nihil mutati. — Itaque in tanta partium deformitate facilius oriri suspicio potuit, partes brevitate insignes tales esse, quales primo evolutionis vitio exstiterint; Aegrota vero asseverat totam manus sinistrae anomaliam sero ortam et ab ipso, cujus decursum clecripsimus morbi initio repetendam esse, neque enim ante annum unum cum dimidio discrimen utriusque manus omnino ullum affuisse. — Digitus secundus et tertius, si in vola manus acu punguntur, nullos dolores, imo ne sensum quidem movent. Similiter totus digitus tertius et duo articuli extremi digiti secundi a dorsali parte anaesthesi laborant. Quod pollicem attinet facultas sentiendi obtusa, etiamsi non prorsus deleta. Motus horum trium digitorum diffi- cilis et imperfectus est, quamquam dubitare licet, utrum causa hujus rei in nervorum morbo an in tumore, qui tendines musculorum comprimat, quaerenda sit. — Nervus medianus inde a cubito usque ad articulationem manus ita affectus est, ut compressionis impatiens evadat, imprimis prope carpum, ubi aliquis quasi nodulus nervi tactu percipi videbatur. — De natura morbi difficile judicium! Quamvis tumoris ratio talis esset, qualis carcinomatis medullaris ejusque mollioris, tamen valetudo corporis nequaquam turbata, et glandularium cubita- lium et axillarium sana conditio huic suspicioni contradixerunt. Praeterea tumor in summo apice ita fluctuabat, ut potius abscessus lymphatici speciem prae se ferret. Quae quum ita essent, visum est acum exploratoriam in tumorem immittere, ut certius de eo judicium esset. Feci operationem ipso die quo aegrota in nosocomium reciperetur ita, ut instrumentum adhiberem notissimum, quod in operatione hydroceles palliativa in usum vocatur, quae ars superbo »akidopeirastices« nomine gloriatur. Profluxit pauxillum fluidi ut videbatur mucilaginosi et subflavi, quod tamen sanguine subito insequente ita contaminabatur, ut accuratius examinari non posset. In tubulo extracto sub- stantia inventa est, quae cylindri flaviusculi et gelatinosi speciem haberet. Haec mollissima sub-