Observationes anatomicae et chirurgicae quatuor : commentatio quam ad veniam docendi in Academia Fridericia Halensi cum Vitebergensi sociata rite impetrandam gratiosi medicorum ordinis consensu et auctoritate die XXVI. mensis Junii A.D. MDCCCLVII hora XI / publice defendet Richardus Volkmann ; assumpto ad respondendum socio Francisco Schweigger-Seidel.

  • Volkmann, Richard von, 1830-1889.
Date:
[1857]
Catalogue details

Licence: Public Domain Mark

Credit: Observationes anatomicae et chirurgicae quatuor : commentatio quam ad veniam docendi in Academia Fridericia Halensi cum Vitebergensi sociata rite impetrandam gratiosi medicorum ordinis consensu et auctoritate die XXVI. mensis Junii A.D. MDCCCLVII hora XI / publice defendet Richardus Volkmann ; assumpto ad respondendum socio Francisco Schweigger-Seidel. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    30/46 (page 26)
    prolem procreantibus, quo facto metamorphosis adiposa incipit. Haec ita se habet, ut destructis mox ipsis cellulis cava, quae cellulas continebant, vel capsulae granulis minutis vel guttulis oleosis vel simpliciter adipe fluido impleantur, quo facto nonnulla eorum confluunt et antra majora irregularia formant. Denique ipsa substantia intercellularis granulosa et guttulis adiposis impleta evanescit. Itaque cartilaginis ab externis ad interna pergens interitus est ac substantia fibrosa statim vacua explet. Tota autem ista mutatio satis lente procedere videtur, nam admodum sero ima cartilaginis strata pereunt et tum tandem textus cellulosus vel fibrosus ipsi laminae compactae ossis se inserit, qui idem denique nonnunquam in substantiam osseam immutari potest. Egregie morbi a me descripti specimen in pede aegroti observavi, cui propter ostitidem late patentem ossium tarsi vir perillustris Blasius enucleationem a clarissimo Chopartio inventam facere constituerat. Malum in viro dyscrasia tuberculosa laborante ante hos duos annos cum dimidio post distorsionem exortum erat. Motus ex anni tempore propter dolores vehementiores nullus fuerat. Ulceratio aperta fistulaeque recentissimo demum tempore apparuerant. Pars amputata quum dili- gentius examinaretur, inventum est, os naviculare et cuboideum, ossa tria cuneiformia pariter atque bases ossium metatarsi habere textum osseum spongiosum, sanguine repletum et ita mutatum ut digitis facillime comprimi posset. Partes ossibus aflines in substantiam lardi similem mutatae et circa fistulas pure infiltratae erant. Articulus Choparti pure plenus et ad externa patens. In reliquis articulis omnibus, quae partim inter ossa tarsi, partim inter tarsum et metatarsum positi sunt, cartilagines integrae, sed plane concretae sunt. Qui articuli si vehementer distrahuntur, per- spicuum fit, cartilagines fibris et filamentis transversis et tenuissimis contineri, interdum duobus vel tribus, interdum plurimis. At maximum motus impedimentum non tam in horum filamentorum praesentia, quam in cavorum synovialium incipiente obliteratione et in tela cellulosa cartilaginibus omnibus inducta positum est. Conspiciuntur enim in margine cartilaginum plicae ex tela cellulosa constantes vel triangulares, vel teretes, plerumque crassae, quae a membrana synoviali proficiscentes cartilagini veluti pterygia tunicae scleroticae insident. Color earum ex flavo ruber est, vasis san- guiferis abundant et sanguinis effusi minutissimas maculas interdum exhibent. In media cartilagine, quae nihil mutata videtur esse, evanescunt, quamquam diligentius perscrutatis partibus probatur, vel eam cartilaginis superficiem, quae primo obtutu sana videtur, membrana eaque tenuissima ve- latam esse, in qua filamentorum supra memoratorum quasi radices inveniuntur. Subjecta cartilago in superficie interdum glabra, interdum, si lente vitrea observatur, impressionibus perexiguis aspera videtur. Microscopium autem docet, membranas cartilaginibus impositas ex variis telae fibroplasticae, quam dicunt, formis consistere, rarius autem meras fibrillas inveniri. In membranis ad pterygii instar formatis vasa sanguifera exstant plurima et vel nudis oculis apparentia e quibus rete capillare profluit interstitiis subtilissimis instructum. Contra in tenuissima membrana, quae summam et paene sanam cartilaginem tegit, rarissimae vasorum ansae deprehenduntur. Ipsa cartilago vix quidquam mutata est, etiamsi nonnullis in locis cellulae magnitudine adauctae novam prolem ggniunt et metamorphosin adiposam inire incipiunt. — Quodsi causam ankyloseos synchondroticae quaerimus, primum inflammationes, quae ex vicinis in articulum propagantur, se objiciunt. Itaque ankylosin ab ejusmodi inflammatione pen- dentem saepius observavi; primum post patellae fracturam fusius a me descriptam; deinde iterum in genu praesente carie, quae tibiae spinam affinem vexaret; bis in articulo pedis, quum multiplices tibiae necroses adessent, quumque inflammatio usque ad epiphysin inferiorem pertineret; semel