De insufficienta valvulae tricuspidalis et casu hujus generis singulari : dissertatio inauguralis medica ... / auctor Paulus Guttmann ; opponentibus Preybisz, Sorauer, Jottkowitz.

  • Guttmann, Paul, 1834-1893.
Date:
[1858]
Catalogue details

Licence: Public Domain Mark

Credit: De insufficienta valvulae tricuspidalis et casu hujus generis singulari : dissertatio inauguralis medica ... / auctor Paulus Guttmann ; opponentibus Preybisz, Sorauer, Jottkowitz. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    15/24 (page 15)
    De morbis conseciitivis. Quum de diagnosi differentiali hujus morbi aliorumque similium locutus sim, gra- vissima quoque symptomata anatomica commemoravi, quare restat tantum, ut referam, quae- nam haec circulationis sanguinis impedimenta sequantur. Quaeque insufficientia valvulae tricuspidalis, sicuti quodque aliud valvulae vitium, impedimenta in omnibus circulationis organis excitat efficitque, quum organismus totus in- timo commercio cum illa contineatur, varias organorum aegrotationes. Omnia fere organa, si morbus per longius spatium protractus est, aut texturae aut functionis alienationes osten- dunt omnesque istae aegrotationes impedimentis circulationis simpliciter explicari possunt. Primum cor graves mutationes perpetitur. Sicut supra retuli, ventriculus dexter dilatatur. Itaque hic ventriculus paullatim tono musculari privatur et propterea facultate se rite con- trahendi; quae res alterum principium noxium sistit, quum postremo cor non amplius cir- culationis impedimentis satis resistere possit. Sinister autem ventriculus aliquanto atrophi- cus fit, quum parum sanguinis per arteriam pulmonalem ei adducatur; itaque etiam tensio systematis aortici minor redditur et quidem eo minor, quo major tensio systematis venosi. Hic, quemadmodum in aliis valvulae vitiis, compensationem videmus naturae, qua deficiente sanguinis circulatio multo prius plane haesitet necesse foret. Etiam in cordis motu re- periuntur mutationes. Diminui solet cordis actio, soni sunt exiles; hanc autem rem, sicut in omnibus cordis morbis, non magni aestimare debemus. Vasa, tam arteriae quam venae, eodem modo mutantur, imprimis venae propter san- guinis stasin varices concipiunt, et illae ipsae venae, in quibus jam statu normali sanguinis cursui magna impedimenta superanda sunt. Ita apud patrem varices eminentes vidi ve- narum cruris, qui postea, quum hydrope permagno crura tumescerent, non amplius obser- vabantur. Symptoma gravissimum, quod, si impedimenta circulationis per aliquod tempus exstiterunt, intrat, hydrops est. Hic illis in locis primum secundum leges physices apparet, ubi sanguinis fluxui maximum impedimentum superandum est, itaque in extremitatibus in- ferioribus, et primum quidem in pedibus. Quod ad hunc hydropem pertinet, eadem sym- ptomata in hac valvulae affectione observantur, quam in insufficientia valvulae mitralis. Initio pes solus tumescit, praecipue si aegroti corpus multum moverunt. Quod oedema, aegroto quiescente, noctu nimirum, plerumque cedit; aegroti tum horis matutinis urinam flavam uberrimam edunt. Id etiam iterum iterumque apud patrem observabatur, oedema illo tempore semper pede limitabatur. Paullatim tamen, si circulationis impedimenta per- petua sanguinis regurgitatione gravissima fiunt, etiam phaenomena hydropica crescunt, oedema