Dissertatio medica inauguralis, de delirio tremente, vel delirio ebriosorum ... pro gradu doctoris / [J.M. Probyn].

  • Probyn, John Mills.
Date:
1825
Catalogue details

Licence: Public Domain Mark

Credit: Dissertatio medica inauguralis, de delirio tremente, vel delirio ebriosorum ... pro gradu doctoris / [J.M. Probyn]. Source: Wellcome Collection.

Provider: This material has been provided by The University of Glasgow Library. The original may be consulted at The University of Glasgow Library.

    8/38 (page 8)
    tum sit, origini seque ac symptomatibus ascriben- dum, ab ipsius morbi descriptione apte ducatur. His rebus praedictis, prius quam morbum il- lustrare ausim, quod sine dubio multi jam prae- sentiunt, nomen Delirium Tremens a Doctore Sutton in volumine tractatuum magni pretii de hoc aliisque rebus, anno 1813, ut puto, in lucem edito, primum datum esse, in medium affer- re mihi concessum sit. Vocabulum Tremens a solito prominente symptomate manuum et non- nunquam totius corporis plus minusve, sed saepe insigniter affectorum, per morbi cursum, deriva- tur. Hunc autem vocis delectum minime feli- cem mihi videri confiteor. In lingua accuratd Delirium esse Tremens recte dici non potest. Si Delirium cum Tremoribus nominaretur, multo melius esset; sed id non satis exprimit. Forsitan nomen Delirium Ebriosorum a multis melius ap- •plicatum putetur ; et ad hoc nomen eligendum me propensum confiteor, nisi consensus vulgaris apud Medicos huic morbo appellationem Deliri- um Tremens affixisse videatur.