Observationes nonnullae de ovorum ranarum segmentatione / auctore Maximilano Schultze.

  • Schultze, Max Johann Sigismund, 1825-1874.
Date:
[1863]
Catalogue details

Licence: Public Domain Mark

Credit: Observationes nonnullae de ovorum ranarum segmentatione / auctore Maximilano Schultze. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    10/24 (page 8)
    quam fulminis instar apparentes vidi, ut Remakius descripsit7), imo vero complurium horae sexagesimarum spatium consumentes. Ovum in fig. 1B depictum commutatum vidi in formam fig. 14 de- lineatam. Ex quo apparet ne in singulis quidem ovorum partibus seg- mentationem pari modo progredi. Pariter observavi figuram 9 in figu- ram 10 mutari, qua in mutatione tria vitelli segmenta in directionem ra- dialem dividebantur, unum eorum in directionem plane diversam. Maxime singulare notabileque milii videtur ovum ranae temporariae fig. 15 delineatum, quod quartum iniit segmentationis stadium. Sulci novissimi, corona plicarum exornati, directionem habent parallelam sulco meridionali primo vel secundo. Eadem est forma, quam Prevost et Du mas vulgarem descripserunt et 1. c. tab. VI fig. H delineaverunt, quam quidem vir illustrissimus C. E. Baerius, qui primus post Prevostium et D urna sium de segmentatione ovorum ranarum accuratius disseruit, se nunquam reperisse affirmat8). Quum nemo inter omnes Embryologos, qui postea de hac re scripserunt, mentionem eius formae faciat, mirum videtur, me multa tali modo formata ova ranae temporariae observasse. Quod ovum quattuor sulcis divisum in fig. 15 delineavi, in quinto segmentationis stadio formam praebuit eam, quam fig. 16 adumbravi, quam eandem Dum as 1. c. fig. L depinxit. Etiam in hoc stadio plicas tener- rimas in sulcum novissimum vergentes vidi, sicut figura docet. Plicae sunt multo breviores quam in primis segmentationis stadiis, verum nu- mero satis magno. Nunquam nisi clarissimae lucis ope percipiendae sunt hae plicae; in rana esculenta nullas vidi. 7) Archiv fur Anatomie, Physiologie etc. 1851, p. 495. Untersuchungen uber die Entwicke- lung der Wirbelthiere. 1858, p. 129. 8) 1. s. c. pag. 483.