De hepate ac bile crustaceorum et molluscorum quorundam : dissertatio inauguralis physiologico-chemica ... / publice defendet Theodorus Fridericus Guilelmus Schlemm ; opponentibus H. Berner, A. Steinrück, F. Vettin.

  • Schlemm, Theodor Friedrich Wilhelm, 1822-
Date:
[1844]
Catalogue details

Licence: Public Domain Mark

Credit: De hepate ac bile crustaceorum et molluscorum quorundam : dissertatio inauguralis physiologico-chemica ... / publice defendet Theodorus Fridericus Guilelmus Schlemm ; opponentibus H. Berner, A. Steinrück, F. Vettin. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    30/44 (page 30)
    turbabatur, argento nitrico, hydrargyro oxydulato nitrico praecipitabatur, plumbo acetico neutralisato idem demittebatur praecipitatum, quod ipso alcohole absoluto. Habet id corpus eundem prorsus odorem et saporem, quem bilis Astaci. Quod alcohole absoluto non praecipitatum erat, evaporabat, siccabatur et aqua solutum digerebatur, in quo certo quodam concentrationis gradu massae secerneban- tur conglomeratae coloris fusci, quae liquori summo innatabant. Aucta concentratione illae massae resolvebantur, addita aqua destillata iterum formabantur. Tum quam cautissime ex liquore exemtae seorsum singulae examinabantur. Aqua frigida solvi prorsus non poterant, nec facile alcohole absoluto, solvebantur vero aethere, in solu- tione Natrii chlorati ex parte tantum solvebantur, nec dissimiles in universum erant resinae. Accuratius eas massas conglomeratas explorare non potui, quum copia ea- rum, vel maxima bilis quantitate adhibita, ad talem disquisitionem instituendam non sufficeret. Solutio aquosa, ex qua illae massae exemtae erant, non praecipitabatur acido muriatico, nitrico, sulphurico, neque plumbo acetico neutralisato, ferro muriatico oxy- dato, barytio chlorato; praecipitatum demittebatur acido gallico, hydrargyro muria- tico oxydato, argento nitrico (in liquore ammonii caustici solubile, itaque argentum chloratum). Plumbo acetico basico solutio leniter turbabatur. — Bili alcohole extractae aqua destillata superinfundebatur, filtrabatur, solutio evaporabat, sub antlia pneumatica siccata librabatur. Iterum in aqua destillata soluta acidis mineralibus post aliquantum demum temporis turbabatur, neque mutabatur li- quoris color ex fusco flavus. Liquor clarus manebat addito Kali caustico vel alca- libus et barytio chlorato; hydrargyro muriatico oxydato et ferro muriatico oxydato leniter tantum turbabatur, additis autem argento nitrico, hydrargyro nitrico oxydu- lato, plumbo acetico neutralisato ampliora demittebantur praecipitata. Acidum quo- que gallicum demittebat praecipitatum. Addebatur huic solutioni alcohol absolutus, unde copiosum demittebatur prae- cipitatum, quod filtratione separatum, siccatum librabatur. Erat id corpus fuscum, splendidum, solidum, in tubulo vitreo combustum chartam exploratoriam rubram am- moniaco expedito colore coeruleo obducebat ipsoque fragore ammonium inesse pate- faciebat. In lamina platinea crematum relinquebat cinerem fere album. Solutum in aqua destillata tingebat chartam exploratoriam coeruleam colore leniter rubro, acidis additis non praecipitabatur, poterat tamen praecipitari ferro muriatico oxydato, plumbo acetico neutralisato, hydrargyro nitrico oxydulato. Quod alcohole absoluto non praecipitatum erat, postquam evaporaverat, et ip- sum aqua destillata solutum, chartam exploratoriam coeruleam rubro tingebat colore, neque additis acidis demittebat praecipitata; solo acido gallico praecipitabatur, quod idem efficiebatur ferro muriatico oxydato, hydrargyro muriatico oxydato, plumbo acetico neutralisato. Postquam bilis aqua tractata erat, residuum aqua acido acetico mixta maceraba- tur, quo facto solutio filtrata, nullo colore infecta evaporabat et sub antlia pneuma-