De hepate ac bile crustaceorum et molluscorum quorundam : dissertatio inauguralis physiologico-chemica ... / publice defendet Theodorus Fridericus Guilelmus Schlemm ; opponentibus H. Berner, A. Steinrück, F. Vettin.

  • Schlemm, Theodor Friedrich Wilhelm, 1822-
Date:
[1844]
Catalogue details

Licence: Public Domain Mark

Credit: De hepate ac bile crustaceorum et molluscorum quorundam : dissertatio inauguralis physiologico-chemica ... / publice defendet Theodorus Fridericus Guilelmus Schlemm ; opponentibus H. Berner, A. Steinrück, F. Vettin. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    28/44 (page 28)
    Bilis liquidae ex sexaginta Astacis ita comparatur uncia una; quae quidem copia quamvis sit pro Astacorum numero exigua alterumque hoc nobis obsteterit incommodum, quod nullae ad id tempus ea de re litteris consignatae sunt virorum doctorum disquisitiones, unde aliquid ad nostram redundet operam sublevandam, vide- mur tamen eam ad has disquisitiones chemicas adhibuisse bilis copiam, quae suffice- ret et ad experimenta, quae quidem necessaria visa essent, instituenda et ad analysin saepius repetendam. Jam priusquam ad ipsam bilis analysin transeamus, accuratius explicandum est, quod jam supra breviter attigimus (cf. pag. 14.), hepati si superinfundatur aqua de- stillata vel alcohol 84°, membranam singulos folliculos includentem variis locis contrahi. Quae contractiones efficiuntur, quia alcohole vel aqua non solum bilis folliculis inclusa, sed etiam pars ipsius folliculorum substantiae solvitur. Propono autem analysin ejusmodi extracti bilis alcoholici, quum quis eadem possit seduci, ut in bile Astaci corpus inesse credat Acido cholo-bili-fellinico simile. Spiritus vini rectificatus jecinorum numero satis magno superinfusus mox colo- rem induebat fuscum, folliculi hepatis saepius deinceps alcohole subacti ad postremum non videbantur mutati, nisi quod bilis erat ablata. Liquor alcoholicus clarus evapo- rabat, residuum sub antlia pneumatica siccabatur. Tum pars residui solidi quum aqua destillata superinfunderetur, non tota solvebatur, sed remanebat massa coloris flavi ac lutei. Unde conjecimus illud residuum antea in bile ipsa fuisse solutum et in solutione alcoholica medium solvens non adfuisse, eodem modo, quo acidum cholo- bili-fellinicum bilis bovinae tum demum aqua solvitur, si huic Bilinum admixtum fue- rit, etsi alcohole facile solvatur. Residuum tamen solutionis alcoholicae bili Astaci liquidae admixtum non solvebatur, neque tum quidem, quum praecipitato, quod demis- sum erat e bile recenti liquida Spiritu vini rectificatissimo, in aqua destillata soluto residuum addebatur. Jam residuum ipsum examinatum solvebatur Natro carbonico, Kali carbonico et nitrico, Natrio chlorato et alcohole 84°, non omni ex parte aethere sulphurico. Pars siccata calcaria mixta in tubulo vitreo cremabatur, quo expediebatur ammoniacum. Acido sulphurico diluto residuum solvebatur, eodem cum esset dige- stum, expediebatur acidum sulphurosum, solutio ipsa nigrescebat carbone secreto. — Eadem experimenta quum facerem mera Astaci bile adhibita, corpus illud in aqua non solubile in ea non repperi; re saepius demum inquisita constabat, alcohole ipsius substantiae hepatis partem fuisse solutam. Idem fit, si hepati aqua destillata super- infunditur; residuum enim solutionis aquosae alcohole tractatum, non totum solvitur aqua, si solutio alcoholica evaporavit. Jam ad ipsam progredimur Astaci bilem examinandam.