Iridectomia : quam vim habeat ad sanandas oculorum inflammationes necnon ad tollenda mechanica visus impedimenta casibus nonnullis demonstratur : dissertatio inauguralis ophthalmiatrica quam consensu et auctoritate gratiosissimi medicorum ordinis in Academia Christiana-Albertina pro summis in medicina et chirurgia honoribus rite impetrandis / scripsit Adolphus Meyer.

  • Meyer, Adolphus.
Date:
1860
Catalogue details

Licence: Public Domain Mark

Credit: Iridectomia : quam vim habeat ad sanandas oculorum inflammationes necnon ad tollenda mechanica visus impedimenta casibus nonnullis demonstratur : dissertatio inauguralis ophthalmiatrica quam consensu et auctoritate gratiosissimi medicorum ordinis in Academia Christiana-Albertina pro summis in medicina et chirurgia honoribus rite impetrandis / scripsit Adolphus Meyer. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    21/24 (page 21)
    Doleo, quod, quantum in melius inclinarint oculorum fuuctiones post operationem factam, non in omnibus casibus certis potuit delineari finibus. Quod quidem partim et vel maxime eo factum est, quod aegroti nosocomium relinquerent antequam exacte perscrutari oculorum functiones licuit, partim, quod aegroti ad satis certo describenda, quae sentiebant, symptomata, mente parum essent exculti. Attamen boc, si complec- timur summas eorum, de quibus dixi, non ita multum valet. Neglectis hisce impedimentis, nihilominus apparet, difficillimum esse, iridecto- mias pro quoque eventus gradu apte dividere ac classificare. Quod quidem Jaegero licuit, quum, quantum profecerint operationes cataractae causa factae, certis demon- straret numeris, nam in cataracta id solum respiciendum erat, quam exculta rediisset facultas videndi operatione facta. Nec desunt nobis certi fines, quibus, etsi sponte electis, quinam adsit eventus, delineari possit. Ita Jaegerus exitum appellat bonum, quum aegroti oculorum aciem adeo recuperabant, ut per convexum quoddam vitrum opticum, quod ad statum oculorum aptum erat, sine labore et per satis longum tempus, typos non nimis parvos legere et sine difficultate scribere possent. Ad modice bonum exitum illos casus adnumerat, in quibus operatione id tantum efficiebatur, ut aegroti in locis, qui iis noti erant, solute ac libere se movere, et res majores seu minores, quae eos, circumdabant ita cernere possent, ut iis duce non opus esset. In mali exitus numero habet eos casus, in quibus videndi facultate aegroti aut plane privabantur, aut lumen tantum et umbras discernere poterant. In nostris autem casibus de re agitur plane alia, exceptis operationibus ad tollenda mechanica impedi- menta factis. Iridectomia in morbis oculorum valde diversis adhibita plane diversa assequi studemus. Iridectomia enim partim ad inflammationes coercendas vel prae- cavendas, partim ad restituendam videndi facultatem simul eodem tempore removendis mechanicis impedimentis instituitur. Quo autem tempore inflammatio plane coercita, vel, si quidem nondum adfuerat, impedita sit, quominus irrumpat, multo difficilius statui potest. Cujus rei exemplum respicias hoc: Post iritidem saepe remanet synechia posterior. Quae quidem vel maxime efficit, ut facile de novo redeat iritis, aliae que sequantur complicationes, imprimis choroideitis chronica. Ad haec pericula evitanda iridectomia instituitur. Qua facta, paucis diebus post, demittitur aegrotus. Quodsi res ita se habent, id solum affirmare nobis licet, videndi facultatem certo puodam modo esse commutatam, et hisce paucis diebus iritidem novam non apparuisse. Quaenam postea acciderint, saepissime nos fugit, etsi sperare licet, aegrotis non iterum rede- antibus, fore, ut res prospere succedere continuent. Quare ea solum, quae iridecto- miis ad easdem indicationes factis effecta sunt, composui. Synechia posterior. Synechiae posterioris causa iridectomia instituta est in casibus 67. Synechia