De morborum signis ex facie petendis : dissertatio inauguralis pathologico-semiotica ... / auctor Carolus Guilelmus Phemel.

  • Phemel, Karl Wilhelm, 1812-
Date:
1836
Catalogue details

Licence: Public Domain Mark

Credit: De morborum signis ex facie petendis : dissertatio inauguralis pathologico-semiotica ... / auctor Carolus Guilelmus Phemel. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    11/52
    INTRODUCTIO. Usque ab antiquissimis temporibus homines maximam operam dederunt, ut ex facie ac vultu non solum animi et corporis in genere habitum cognoscerent, sed etiam va- letudinem bonam aut malam. Ad quae perscrutanda inspiciendaque ora non fortuito adducti, sed potius incitati instinctu quodam divino et a natura ipsa no- bis insito, exercitationibus continuis et ab infantia consuetis magnam hic facultatem sensim sensimque adipisci possumus. Sic puer hilares et lenes faven- tesque parentum vultus bene distinguere potest ab iratis saevisque; sic canis omnino ex ore intelligit imperia domini et aulicus principis sui faciem ediscit, ut ex oculis ejus »molle fandi tempus mollesque auditus« perspicere possit; sic imperitus quoque in- sciusque nostrae artis sibi persuasum habet, faciem esse imaginem et indicem quasi non modo perturba- tionum animi sed etiam interiorum corporis affectuum;