D. Francisci Caroli Naegele professoris Heidelbergensis epistola ad Theodorum Fridericum Baltz ... qua historia et descriptio aneurysmatis, quod in aorta abdominali observavit, continetur.

  • Naegele, Franz Karl, 1778-1851.
Date:
1816
Catalogue details

Licence: Public Domain Mark

Credit: D. Francisci Caroli Naegele professoris Heidelbergensis epistola ad Theodorum Fridericum Baltz ... qua historia et descriptio aneurysmatis, quod in aorta abdominali observavit, continetur. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    5/20
    Femina, in qua rarissimum hoc phaenomenon patholo- gicum repertum est, licet columna vertebralis scoliosi paululum detorta fuerit, statura magna, ossium structura firma, gracilis et ceteroquin bene conformata erat. Triginta tres annos habuit, cum exstincta est. Familia, unde nata erat, liberorum copia gaudet. Parentes ejus eo tempore, quo generabatur, jam aetate provecti fuerunt. Pater, qui anno aetatis septuagesimo secundo hydrope pectorali est exstinctus, jam tum arthritide saepius laborabat, cum ipsa ejusque frater, natu minimi, procrearentur. Ambo etiam, frater vero maxime, rheumaticis et arthriticis affectionibus laborarunt, quarum in ceteris liberis prius natis, quam pater arthritide afficeretur, nullum vestigium exstabat. Cum patris mortui corpus dissecaretur, aorta arteria plures pollices in longitudinem plane ossefacta et ossei canalis instar inveniebatur. De vita ante acta et de priori valetudinis statu et conditione cognati ejus haec fere retulerunt: Dentitio multis conjuncta fuit difficultatibus. A quinto ferme aetatis anno usque ad sextum oculorum inflammationibus saepe afficiebatur. Nec prius in regione thoracis parva ista columnae vertebralis flexura animad- vertebatur, ad quam sanandam ex medici consilio strophium