D. Francisci Caroli Naegele professoris Heidelbergensis epistola ad Theodorum Fridericum Baltz ... qua historia et descriptio aneurysmatis, quod in aorta abdominali observavit, continetur.

  • Naegele, Franz Karl, 1778-1851.
Date:
1816
Catalogue details

Licence: Public Domain Mark

Credit: D. Francisci Caroli Naegele professoris Heidelbergensis epistola ad Theodorum Fridericum Baltz ... qua historia et descriptio aneurysmatis, quod in aorta abdominali observavit, continetur. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    4/20
    utpote eximius artifex, in valetudine tuenda et restituenda salutaris artis, in qua tantopere excellis, opem feres et auxilium. Ut igitur illum, quo Te amplector, amorem eamque amicitiam, qua animum meum commotum sentio, palam tibi significem, exstetque monumentum qualecunque ejus, qua Te colo, observantiae5 hanc Tuo nomini inscribo explicationem tumoris Aortae, dignissimi quem, quotiescunque accidat, scrutentur accuratius medici. Nimirum quanto saepius illis tumoribus , quos aneurysmata appellamus , pars magnae arteriae vicina cordi affligitur, tanto rarius animadvertuntur in remotissima Aortae parte. Neque omnino, ex quo viri im- mortalis Antonii Scarpae de aneurysmatibus opus in- gentem excitavit controversiam, quidquam videri potest exi- guum et inutile, quod, quamvis sit levissimum, prodesse possit ad cognitionem hujus materiae augendam. Atque illa quidem est ratio, qua adducor, ut credam, gratas fore et acceptas peritis doctisque medicis has de aneurysmate Aortae, quod ipse vidi et scrutatus sum, observationes qualescunque. Illud vero doleo, quod eam mulierem, quae illo morbo, quem descripturus sum, laboravit, neque tempestive satis, neque tam diu, quam optandum fuisset, observare mihi concessum fuit.