Observationes microscopicae de musculis organicis in hominis cute obviis : dissertatio inauguralis anatomico-physiologica quam consentiente gratioso medicorum ordine in Universitate Literarum Caesarea Dorpatensi ad gradum doctoris medicinae rite adipischendum loco consueto publice defendet / auctor Aemilius Eylandt.

  • Eylandt, Emil.
Date:
1850
Catalogue details

Licence: Public Domain Mark

Credit: Observationes microscopicae de musculis organicis in hominis cute obviis : dissertatio inauguralis anatomico-physiologica quam consentiente gratioso medicorum ordine in Universitate Literarum Caesarea Dorpatensi ad gradum doctoris medicinae rite adipischendum loco consueto publice defendet / auctor Aemilius Eylandt. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    33/42 (page 33)
    invenio, quo loco solo Krause eas reperiri affirmat (Handvvbrterbuch v. R. Wagner etc. pag. 127), sed etiam ibi, ubi pili pubis deesse solent. Non minus late glandulae sudoriferae dispersae sunt, nisi quod in praeputii lamina interna desunt. Similitudo autem cutis penis cum cute scroti eo potissimum efficitur, quod in illa quoque stratum vasculosum reperitur. Hoc stratum incipit infra montem Veneris in facie dorsali radicis penis. Hic juxta ligamentum suspensorium penis, pariter atque ibi, ubi cutis ex monte Veneris ad scrotum descendit, in tela subcutanea cellulosa adipis collectiones et numero et magnitudine decrescunt ac tandem omnino evanescunt, earum loco autem paulatim plura vasa in conspectum veniunt stratumque vasculosum constituunt. Vasa e superficiali corii portione ad profundiorem hac ratione frequentiora fiunt, ut in profundissima ejus portione stratum vasculosum apertissime conspiciatur. Hoc stratum vasculosum, quod telae conjunctivae laxissimae fibrisque elasticis largissime instructae injectum decurrit, in profundo sequitur stratum tenuis- simae telae conjunctivae non minus laxae et adipe carentis, quae hanc partem cutis penis cum fascia penis conjungit. Strati vasculosi vasa e superficiali hujus strati portione ad profundiorem diametro crescunt, etsi in profundo inter vasa latiora etiam multa exiguae diametri reperiuntur. In universum vasa hujus strati diametro aequalia sunt vasis in strato vasculoso cutis scroti obviis. Vasorum decursus hic non tam regularis est, quam in strato vasculoso scroti vel potius tunicae dartos; attamen nonnulla loca in strato vasculoso cutis penis inveniuntur, ubi nominatim venae parvae diametri (circiter 0,01668') in pluribus seriebus aliae aliis impositae sunt, et simul decursu suo sinuoso unam eandemque directionem sequuntur, et quidem ita, ut aut circulorum instar circumeant, aut penis longitudini parallelae ad perpendiculum ex alto descendant. Plerumque tamen illae commixtae sunt vasis, decursu suo aut directionem relative oppositam sequentibus, aut illarum decursura oblique decussantibus. Praeterea hic multae anastomoses sunt, praecipue arteriarum. Hoc loco arterias et venas discrevi, quod prioribus hujus commentationis locis, ubi de simi- libus stratis vasculosis in cute nonnullarum aliarum corporis regionum sermo erat, non potui; quod me jure hoc loco fecisse, jam probare studebo, in qua probatione tamen ad descriptionem segmen- torum hujus partis cutis penis mihi recurrendum est. Mentio enim facienda est rei, qua mihi denuo persuasum est, veram esse sententiam meam, cutem mammae papillae ejusque areolae, scroti et penis, excepta cute glandis, stratum vasculosum, minime vero fasciculos musculorum organicorum liberos continere. Periculum a me factura est arterias cutis organorum genitalium masculorum inji- ciendi, nec tamen omnino successit, etenim massa injicienda perfecte tantum in cutem penis intravit, hic vero tam perfecte, ut adeo tenuissimi vasorum laquei in corii papillas intrantes illa repleti appa- rerent, ut ergo apertissime perspici posset arteriarum extensio, dispositio et decursus. Ubique in segmentis hujus portionis cutis injectione penetratae corpuscula, iis, quae pag. 29 descripta sunt, forma et specie similia, telae conjunctivae laxae, fibras spirales et elasticas continenti, inspersa apparebant. E subrotundis horum corporum multa respondebant segmentis transversis arteriarum, quum materiei injectae massulae subrotundae minores vel majores magis minusve lato limbo, vasorum parietibus, cinctae apparerent. Alia horum corporum subrotundorum lumina aperta exhibebant, vel compressione in corpora breviora vel longiora, striis transversis regularibus insignita, mutabantur, quorum strias transversas etiam in marginibus laqueorum instar ex altera facie in alteram circum- flecti videbamus. Ex longioribus horum corporum arteriae se manifestabant tanquam vasa injecta et plerumque multos ramulos emittentia; alia contra in quibus non minus longitudo latitudinem superabat, simpliciter obscura vel parum distinctis striis longitudinalibus instructa apparebant, com- pressione autem facta strias transversas regulares limbumque supra commemoratum ostendebant. 4*