Observationes microscopicae de musculis organicis in hominis cute obviis : dissertatio inauguralis anatomico-physiologica quam consentiente gratioso medicorum ordine in Universitate Literarum Caesarea Dorpatensi ad gradum doctoris medicinae rite adipischendum loco consueto publice defendet / auctor Aemilius Eylandt.

  • Eylandt, Emil.
Date:
1850
Catalogue details

Licence: Public Domain Mark

Credit: Observationes microscopicae de musculis organicis in hominis cute obviis : dissertatio inauguralis anatomico-physiologica quam consentiente gratioso medicorum ordine in Universitate Literarum Caesarea Dorpatensi ad gradum doctoris medicinae rite adipischendum loco consueto publice defendet / auctor Aemilius Eylandt. Source: Wellcome Collection.

Provider: This material has been provided by The Royal College of Surgeons of England. The original may be consulted at The Royal College of Surgeons of England.

    26/42 (page 26)
    obscura, majora vel minora, oblonga vel subrotunda, plerumque, ut videntur, structura destituta, quorum nonnulla striis parum certis notata sunt. Hic habitus specie structurae expers, interdum striis incertis insignitus, pendet e vasis, si eorum margines nobis disquirentibus oppositi sunt. Eo enim, quod cutis frusta exsiccantur, complanatio vasorum provocatur crassitudini frustorum cutis respondens, qua re efficitur, ut in segmentis, quae incisuris ad perpendiculum per cutis frustorum crassitu- dinem perductis formata sunt, vasa latere acuto deorsum converso jaceant, ergo idem latus investi- gantibus offerant. Si jam in nonnullis horum corpusculorum etiam adhibito pressu in conspectum non venit certa delineatio, nominatim striatio transversa, aut stratum musculare eorum solutum et ad latus remotum vel propter teneritatem in frustula jam non conspicua dilapsum est, aut corpuscula ab initio strato musculari carebant. Haec posteriora et ante compressionem et post eam lucidiora sunt, quam reliqua, et semper striis longitudinalibus parum perspicue expressis neque regularibus signata, et in plures ramulos se findunt, atque saepe eorum origo e vasorum segmentis latioribus striisque transversis instructis cognoscitur (fig. V.). Descriptio horum corpusculorum vix ullam dubitationem relinquit, illa esse sectiones et segmenta parva vasorum sanguiferorum. Sanguis, quo cylindri cavi pressione complanati saepe adhuc repleti apparent, et structurae texluraeque rationes, quatenus in praeparatis ejusmodi acidi nitrici actioni expositis cognosci possunt, cum hac explicatione omnino congruunt. Ut tamen expli- cationem ab omni errore tutam praestarem, comparationis causa, tunicam vasculosam, nimirum arachnoideam, eadem ratione tractavi. Segmenta ejus eo mihi comparavi, quod complures lamellas ejus alteras alteris impositas siccavi et deinde ad perpendiculum per stratorum crassitudinem incisuras perduxi. Quibus segmentis acidi nitrici actioni subjectis, in substantia fundamentali tela conjunctiva constante frustula vasorum magis minusve longa inveni, eandem speciem eandemque conditionem prae se ferentia, quam corpuscula illa colore flavo tincta striisque transversis regu- laribus ornata, quae in segmentis corii papillae ejusque areolae reperiuntur. Si striae tenues coloris subflavi, quae jam oculo non armato cognoscuntur, maculaeque parvae segmentis exsolvuntur, disquisitio microscopica docet, has partes esse frustula illa vasorum striis transversis distincta, quae supra descripsimus. Hoc stratum igitur in interiore portione corii papillae ejusque areolae, quod corpusculis illis supra descriptis insigne est, optimo jure stratum vasculosum cutis papillae ejusque areolae nominare possumus. — De hoc strato haec praeterea commemoranda sunt. Quae de illo a nobis afferentur, omnia petita sunt e disquisitionibus segmentorum, quae e cute harum regionum, ubi ejus diametrus maxima est, incisuris diverse directis parata erant. — In utroque sexu stratum vasculosum prope externum areolae circuitum (qui locus respondet regioni, ubi extrinsecus color obscurior initium capit) singulis vasculis se manifestare coepit. Haec tam versus basin papillae arctius congregata, quam in stratis a superficie ad profundum amplitudine crescentibus frequentia alia aliis superimposita sunt. Ergo strati vasculosi amplitudo ab areolae peripheria ad basin papillae paulatim augetur, atque hoc stratum ita pervenit ad crassitudinem 0,1668'— 0,5994' — 0,6672' (V—a/5'—Mensuris posteriore loco dictis etiam papillae stratum vasculosum gaudet. Vasorum latitudo in utroque sexu prope papillam et in profundiore parte strati vasculosi in uni- versum major esse solet, quam in areola et in parte superficiali hujus strati. In feminis major vasorum numerus majoris diametri est, si media ejus longitudo e multis exemplis computatur, quam in maribus. In his enim media vasorum latitudo est 0,05004', interdum etiam 0,0417' vel 0,06675 ('/ao' vel V25' vel Vi5'), in feminis contra saepe 0,06675'—0,08334' ('As'—V12').