Observationes de retinae structura penitiori / auctore Max. Schultze.

  • Schultze, Max, 1825-1874.
Date:
1859
Catalogue details

Licence: Public Domain Mark

Credit: Observationes de retinae structura penitiori / auctore Max. Schultze. Source: Wellcome Collection.

Provider: This material has been provided by UCL Library Services. The original may be consulted at UCL (University College London)

    12/36 (page 6)
    fibrarum natura qualis est in trunco nervi optici1)- Hae, cum tela firma coniunctiva non iam contineantur, maxime sunt aptae ad quaestionem instituendam. Adhibitis idoneis reagentibus nemini non persuadebitur: deesse his fibris vaginam externam. Quod cum ita sit, facere iam non possumus, quin fibras trunci nervi optici non constare nisi e vagina medullari et cylindro axis constituamus. At quae sunt partes quae- que proprietates pallidarum pellucidarumque fibrarum, quae e fibris medulla nervea instructis in retina evadunt ? Integrae fibrae vix possunt isolari: tarn sunt molles, tarn tenerae, tarn tenues, tarn arcte inter se cohaerent, ut plerumque nihil conspiciatur nisi massa lineis striata, divellendo fibrarum strato disiuncto. Raro contingit, cum fit experimentum in humore aqueo, ut nonnullae fibrae latiores isolentur. Perpallidas eae homogenasque aut moleculis punctatas fibras exhibent, quae quoad modum lucis refringendae aequantur axis cylindris integre isolatis, quales possunt exhiberi e fibris cerebri medullaeque spinalis; quae eaedem contra a fibris nerveis medullam continentibus — vel iis quae vestigia tantum medullae gerunt, quales possunt cognosci in peripherica terminatione nervorum quorundam •— propter inopiam lineamentorum distinctorum et maioris lucis refringendae facultatis longissime distant. Inclinatio earum varicositates certis intervallis recipiendi saepius vel in fibris istis integre isolatis observatur. Multo prosperius res succedit quum , antequam observationem facias, oculum per aliquantum temporis in solutione acidi chromici aut Kali bichromici posueris. Solutionibus non nimium concentratis, id quod potissimum in acido chromico videndum est2), facile fibrae nerveae isohintur. Ipsae sunt pallidae, variae crassitudinis, raro eiusdem latitudinis quae est cylindrorum axis fibrarum nervearum crassissimarum, plerumque paene immensurabilis tenuitatis fibrae, in quarum ne crassissimis quidem inter tegumentum et contentum potest differri. Uni- versae nulla excepta excellunt, adhibita illa parum efficace acidi chromici solutione de qua supra memoravimus, varicositatibus, satis paribus intervallis repetitis. Eas quidem gerunt fibrae et crassissimae et tenuissimae, ita tarnen, ut in his, nisi admodum aucta magnitudine, plane percipi non possint. Ne varicositatibus quidem, quae aequabiles substantiae fibrarum tumores esse videntur, quidquam est tegumenti. Interdum tarnen, certis concentrationis 1) Simile quid in nomine obscrvatum a Virchovio est; cf. Archiv für palh. Anatomie Tom. X. p. 190, et ophthalmoscopio in hominibus vivis hand raro invenitur, cf. Liebreich in Graefe Archiv Tom. IV, pars II, p. 299. 2) Suppetit acidi chiom.'/l0—4A gr. in uneiam aquae, in quam oculus non nisi apertus est ponendus. Observalio etsi nonnullis horis post incipi potest, melius tarnen isolatio saepe evenit fibrarum post duos vel quatuor dies. Praeparatum ut diutius in liquore conservetur saepe fieri non potest, quod brevi putrescit. — Kali bichrom. cum adhibeatur minus interest qualis sit gradus concentrationis. Si non multo postquam oculum in solutionem inieceris observationem facturus es, apte uteris solutionibus quam plurimum concentratis.